கிரிக்கெட்

டெல்லிக்கு எதிரான ஐ.பி.எல். கிரிக்கெட்: பஞ்சாப் அணிக்கு 158 ரன்கள் இலக்கு + "||" + IPL Cricket against Delhi : Target of 158 runs to Punjab

டெல்லிக்கு எதிரான ஐ.பி.எல். கிரிக்கெட்: பஞ்சாப் அணிக்கு 158 ரன்கள் இலக்கு

டெல்லிக்கு எதிரான ஐ.பி.எல். கிரிக்கெட்: பஞ்சாப் அணிக்கு 158 ரன்கள் இலக்கு
இன்றைய ஐ.பி.எல் கிரிக்கெட் போட்டியில் முதலில் பேட்டிங் செய்த டெல்லி கேப்பிடல்ஸ் அணி 157 ரன்கள் எடுத்துள்ளது.
துபாய்,

துபாயில் இன்று நடக்கும் ஐ.பி.எல். கிரிக்கெட் தொடரின் 2-வது லீக் ஆட்டத்தில் டெல்லி கேப்பிட்டல்ஸ் - கிங்ஸ் லெவன் பஞ்சாப் அணிகள் இடையிலான போட்டி நடைபெற்று வருகிறது. இன்றைய ஆட்டத்தில் டாஸ் வென்ற கிங்ஸ் லெவன் பஞ்சாப் அணி பந்துவீச்சை தேர்வு செய்தது.


இதனையடுத்து முதலில் பேட்டிங் செய்த டெல்லி கேப்பிடல்ஸ் அணியின் தொடக்க ஆட்டக்காரர்களாக, பிரித்வி ஷா மற்றும் ஷிகர் தவான் களமிறங்கினர். ஆட்டத்தின் இரண்டாவது ஓவரிலேயே ஷிகர் தவான்(0 ரன்கள்) ரன் அவுட் ஆகி டெல்லி ரசிகர்களுக்கு பெருத்த ஏமாற்றமளித்தார்.

மற்றொரு தொடக்க ஆட்டக்காரரான பிரித்வி ஷா 5 ரன்கள் மட்டுமே எடுத்த நிலையில் கேட்ச் ஆகி ஆட்டமிழந்தார். இதனையடுத்து 4வது ஓவரில் ஷிம்ரான் ஹெட்மேயர்(7 ரன்கள்) கேட்ச் ஆகி விக்கெட்டை இழந்தார். அடுத்தடுத்து விக்கெட்டுகளை இழந்ததால் டெல்லி அணி ஆரம்பத்திலேயே சற்று தடுமாறியது.

இருப்பினும் அடுத்ததாக ஜோடி சேர்ந்த ஸ்ரேயாஸ் ஐயர் - ரிஷப் பண்ட் இருவரும் சற்று நிலைத்து நின்று ஆடினர். இந்நிலையில் ரிஷப் பண்ட்(31 ரன்கள்) பஞ்சாப் அணியின் சுழற்பந்துவீச்சாளர் பிஷ்னோய் வீசிய 14வது ஒவரில் பவுல்ட் ஆனார். அடுத்த ஓவரில் ஸ்ரேயாஸ் ஐயர்(39 ரன்கள், 3 சிக்ஸர்) கேட்ச் ஆகி வெளியேறினார்.

இதற்கிடையில் அக்ஸர் பட்டேல்(6 ரன்கள்), ரவிச்சந்திரன் அஸ்வின்(4 ரன்கள்) ஆகியோர் அடுத்தடுத்து விக்கெட்டுகளை இழந்தனர். மறுமுனையில் நிலைத்து நின்று ஆடிய மார்க்கஸ் ஸ்டோய்னிஸ்(3 சிக்ஸர், 7 பவுண்டரி) அதிரடி ஆட்டத்தை வெளிப்படுத்தி அரை சதத்தைக் கடந்தார்.

ஆட்டத்தின் 20வது ஓவரில் மார்க்கஸ் ஸ்டோய்னிஸ்(21 பந்துகள், 53 ரன்கள்) ரன் அவுட் ஆனார். இறுதியில் டெல்லி அணி 20 ஓவர் முடிவில் 8 விக்கெட் இழப்பிற்கு 157 ரன்கள் எடுத்தது. இதனை தொடர்ந்து பஞ்சாப் அணி 158 ரன்கள் என்ற இலக்கை நோக்கி தற்போது விளையாட உள்ளது.

தொடர்புடைய செய்திகள்

1. டெல்லியில் கடும் பனிமூட்டம்: வாகன ஓட்டிகள் அவதி
டெல்லியில் இன்று காலையில் கடும் பனி மூட்டம் நிலவியது. இதனால் மக்கள் கடும் அவதிக்கு உள்ளாகினர்.
2. டெல்லியில் நடத்த திட்டமிட்டு உள்ள டிராக்டர் பேரணிக்கு வசதிகளை ஏற்படுத்தி தர வேண்டும்; மத்திய அரசுக்கு விவசாயிகள் வேண்டுகோள்
டெல்லியில் நடத்த திட்டமிட்டு உள்ள டிராக்டர் பேரணியை தடை செய்யாமல், அதற்கு வசதிகளை ஏற்படுத்தி தருமாறு மத்திய அரசுக்கு விவசாயிகள் வேண்டுகோள் விடுத்து உள்ளனர்.
3. டெல்லியில் பிரதமர் மோடியுடன் முதலமைச்சர் பழனிசாமி சந்திப்பு
டெல்லியில் பிரதமர் மோடியை முதலமைச்சர் பழனிசாமி பிரதமர் இல்லத்தில் சந்தித்தார்.
4. டெல்லியில் ‘அமைதியான முறையில் டிராக்டர் பேரணி நடத்த எங்களுக்கு உரிமை உண்டு’ - விவசாயிகள் அறிவிப்பு
டெல்லியில் அமைதியான முறையில் டிராக்டர் பேரணி நடத்த தங்களுக்கு அரசியல்சாசன உரிமை இருப்பதாக விவசாயிகள் அறிவித்து உள்ளனர்.
5. ஆட்சி செய்பவர்கள் ஏன் கொரோனா தடுப்பூசி செலுத்திக்கொள்ளவில்லை? காங். எம்.பி கேள்வி
உலகெங்கிலும் உள்ள நாடுகளை போல இந்தியாவில் ஏன் ஆட்சியாளர்கள் தடுப்பூசி போட முன் வரவில்லை என காங்கிரஸ் எம்.பி மனிஷ் திவாரி கேள்வியெழுப்பியுள்ளார்.