கிரிக்கெட்

ஆதிக்கத்தை தொடரும் முனைப்பில் பெங்களூரு அணி- ராஜஸ்தான் ராயல்ஸ் அணியுடன் இன்று பலப்பரீட்சை + "||" + IPL 2020, RR vs RCB Preview: Time for overseas stars to hold fort for struggling Royals against Kohli’s well-oiled unit

ஆதிக்கத்தை தொடரும் முனைப்பில் பெங்களூரு அணி- ராஜஸ்தான் ராயல்ஸ் அணியுடன் இன்று பலப்பரீட்சை

ஆதிக்கத்தை தொடரும் முனைப்பில் பெங்களூரு அணி- ராஜஸ்தான் ராயல்ஸ் அணியுடன் இன்று பலப்பரீட்சை
விராட்கோலி தலைமையிலான பெங்களூரு ராயல் சேலஞ்சர்ஸ் அணி இந்த முறை துடிப்புடன் செயல்பட்டு வருகிறது. அந்த அணி 8 ஆட்டத்தில் ஆடி 5-ல் வெற்றியும், 3-ல் தோல்வியும் அடைந்து 10 புள்ளிகள் பெற்றுள்ளது.

ராஜஸ்தான் ராயல்ஸ் அணி 8 ஆட்டத்தில் விளையாடி 3 வெற்றி யும் ( சென்னை, பஞ்சாப், ஐதராபாத் அணிகளுக்கு எதிராக ), 5 தோல்வியும் கண்டு 6 புள்ளிகள் பெற்று பின்தங்கி இருக்கிறது. ராஜஸ்தான் அணியில் பேட்டிங்கில் சஞ்சு சாம்சன், ஸ்டீவன் சுமித், ஜோஸ் பட்லர், பென் ஸ்டோக்ஸ், ராபின் உத்தப்பா, ராகுல் திவேதியா என்று பெரிய பட்டாளமே இருக்கிறது. வேகப்பந்து வீச்சில் ஜோப்ரா ஆர்ச்சர் (12 விக்கெட்) கலக்கி வருகிறார். ஸ்டீவன் சுமித், ராபின் உத்தப்பா, ஜோஸ் பட்லர் ஆகியோர் பேட்டிங்கில் சீராக செயல்படாதது அந்த அணிக்கு சறுக்கலை ஏற்படுத்தி வருகிறது. அத்துடன் அந்த அணியின் ஒருங்கிணைந்த ஆட்டமும் மேலும் மேம்பட வேண்டியது அவசியமானதாகும்.

விராட்கோலி தலைமையிலான பெங்களூரு ராயல் சேலஞ்சர்ஸ் அணி இந்த முறை துடிப்புடன் செயல்பட்டு வருகிறது. அந்த அணி 8 ஆட்டத்தில் ஆடி 5-ல் வெற்றியும், 3-ல் தோல்வியும் அடைந்து 10 புள்ளிகள் பெற்றுள்ளது. பெங்களூரு அணியின் பேட்டிங்கில் விராட்கோலி, தேவ்தத் படிக்கல், டிவில்லியர்ஸ் ஆகியோர் வலு சேர்த்து வருகிறார்கள். மாயாஜால சுழற்பந்து வீச்சில் யுஸ்வேந்திர சாஹல் (11 விக்கெட்) அசத்தி வருகிறார். வாஷிங்டன் சுந்தரும் கட்டுக்கோப்பாக பந்து வீசி நெருக்கடி அளிக்கிறார். உதனா, கிறிஸ் மோரிஸ் ஆகியோரும் பந்து வீச்சுக்கு பலம் அளிக்கிறார்கள். கடந்த லீக் ஆட்டத்தில் (பஞ்சாப்புக்கு எதிராக) டிவில்லியர்சை பின்வரிசையில் களம் இறக்கியதுடன், பேட்டிங் வரிசையில் மாற்றம் செய்தது பெங்களூரு அணிக்கு பாதகமாக அமைந்ததுடன் விமர்சனத்துக்கும் உள்ளானது.

கடைசி லீக் ஆட்டங்களில் ராஜஸ்தான் அணி டெல்லியிடமும், பெங்களூரு அணி பஞ்சாப்பிடம் வீழ்ந்தன. ராஜஸ்தானுக்கு எதிரான முந்தைய லீக் ஆட்டத்தில் பெங்களூரு அணி 8 விக்கெட் வித்தியாசத்தில் எளிதில் வெற்றி பெற்று இருந்தது. அந்த நம்பிக்கையுடன் பெங்களூரு அணி களம் இறங்குவதுடன், அந்த அணிக்கு எதிரான ஆதிக்கத்தை நிலை நாட்ட அதிக தீவிரம் காட்டும். அதேநேரத்தில் முந்தைய தோல்விக்கு பதிலடி கொடுத்து வெற்றிப்பாதைக்கு திரும்ப ராஜஸ்தான் அணி முழு முயற்சி மேற்கொள்ளும். எனவே இந்த ஆட்டத்தில் விறுவிறுப்புக்கு குறைவு இருக்காது.

தொடர்புடைய செய்திகள்

1. சர்வதேச டெஸ்ட் போட்டிகளில் இருந்து ஓய்வு பெறுவதாக டு பிளசிஸ் அறிவிப்பு
சர்வதேச டெஸ்ட் போட்டிகளில் இருந்து ஓய்வு பெறுவதாக தென் ஆப்பிரிக்க கிரிக்கெட் வீரர் டு பிளசிஸ் அறிவித்துள்ளார்.
2. ஆஸ்திரேலியாவில் பயிற்சியை தொடங்கிய கிரிக்கெட் வீரர் நடராஜன்
பயிற்சியின் போது டி நடராஜன் முதன்முறையாக இந்திய அணி வீரர்களுக்கு பந்து வீசினார். அவர் பந்து வீசும் வீடியோவை பிசிசிஐ வெளியிட்டுள்ளது.
3. 13-வது ஐபிஎல் சீசனில் விருது வென்ற வீரர்கள் விவரம்...!
நடப்பு ஐபிஎல் தொடரில் அதிக ரன்கள் அடித்த கே.எல் ராகுலுக்கு ஆரஞ்சு நிற தொப்பி வழங்கப்பட்டுள்ளது.
4. ஐபிஎல்: பிளே ஆப் சுற்றை ஐதராபாத் எட்டுமா? வெற்றி இலக்காக 150 ரன்கள் நிர்ணயம்
ஐதராபாத் அணிக்கு எதிரான ஆட்டத்தில் மும்பை இந்தியன்ஸ் அணி 149 ரன்கள் சேர்த்துள்ளது.
5. ஐபிஎல் கிரிக்கெட்: ஐதராபாத்துக்கு எதிரான ஆட்டத்தில் மும்பை முதலில் பேட்டிங்
ஐதராபாத் அணிக்கு இந்த ஆட்டத்தின் முடிவு முக்கியமானது. இதில் ஜெயித்தால் ரன்ரேட்டிலும் வலுவாக இருப்பதால் சிக்கலின்றி பிளே-ஆப் சுற்றை ஐதராபாத் அணி எட்டிவிடும்