ஆஸ்திரேலியாவில் பயிற்சியை தொடங்கிய கிரிக்கெட் வீரர் நடராஜன்


ஆஸ்திரேலியாவில் பயிற்சியை தொடங்கிய கிரிக்கெட்  வீரர் நடராஜன்
x
தினத்தந்தி 15 Nov 2020 4:26 PM GMT (Updated: 15 Nov 2020 4:26 PM GMT)

பயிற்சியின் போது டி நடராஜன் முதன்முறையாக இந்திய அணி வீரர்களுக்கு பந்து வீசினார். அவர் பந்து வீசும் வீடியோவை பிசிசிஐ வெளியிட்டுள்ளது.


தமிழகத்தைச் சேர்ந்த வேகப்பந்து வீச்சாளர் நடராஜன், ஐபிஎல் 2020-இல் 16 ஆட்டங்களில் விளையாடி 16 விக்கெட்டுகளை வீழ்த்தி அசத்தினார். யார்க்கர் பந்துகளை கச்சிதமாக வீசிய நடராஜன் அனைவரது கவனத்தையும் ஈர்த்தார். இதன் பலனாக  ஆஸ்திரேலியாவுக்கு எதிரான டி20 தொடருக்கான இந்திய அணியில் நடராஜன் சேர்க்கப்பட்டார்.

இந்த நிலையில், வலைப் பயிற்சியின்போது இந்திய அணி வீரர்களுக்கு நடராஜன் பந்துவீசும் விடியோவை பிசிசிஐ வெளியிட்டுள்ளது.

விடியோவுடன் பிசிசிஐ-யின் பதிவில் குறிப்பிடப்பட்டுள்ளதாவது:

"நடராஜன் ஐபிஎல் தொடரில் வெற்றிகரமாக பந்துவீசியதை நாம் பார்த்தோம். இந்திய அணிக்கு முதன்முறையாகத் தேர்வு செய்யப்பட்டதையடுத்து, அவர் இந்திய அணிக்கு முதன்முறையாக பந்துவீசுகிறார். கனவு நனவான தருணம்." என்று தெரிவிக்கப்பட்டுள்ளது. 


Next Story