கிரிக்கெட்

பாகிஸ்தான் சூப்பர் லீக் கிரிக்கெட்: இறுதிப்போட்டியில் கராச்சி அணி + "||" + Pakistan Super League Cricket: Karachi team in the final

பாகிஸ்தான் சூப்பர் லீக் கிரிக்கெட்: இறுதிப்போட்டியில் கராச்சி அணி

பாகிஸ்தான் சூப்பர் லீக் கிரிக்கெட்: இறுதிப்போட்டியில் கராச்சி அணி
பாகிஸ்தான் சூப்பர் லீக் (பி.எஸ்.எல்.) 20 ஓவர் கிரிக்கெட் போட்டி லீக் சுற்றுடன் கொரோனா பரவலால் நிறுத்தப்பட்டது. இந்த நிலையில் 7 மாதங்களுக்கு பிறகு ‘பிளே-ஆப்’ சுற்று கராச்சியில் தொடங்கியுள்ளது.
கராச்சி, 

பாகிஸ்தான் சூப்பர் லீக் (பி.எஸ்.எல்.) 20 ஓவர் கிரிக்கெட் போட்டி லீக் சுற்றுடன் கொரோனா பரவலால் நிறுத்தப்பட்டது. இந்த நிலையில் 7 மாதங்களுக்கு பிறகு ‘பிளே-ஆப்’ சுற்று கராச்சியில் தொடங்கியுள்ளது. இறுதிப்போட்டிக்கான முதலாவது தகுதி சுற்றில் முல்தான் சுல்தான்ஸ்- கராச்சி கிங்ஸ் அணிகள் மோதின. இதில் முதலில் பேட் செய்த முல்தான் அணி 7 விக்கெட்டுக்கு 141 ரன்கள் சேர்த்தது. தொடர்ந்து ஆடிய கராச்சி அணியில் பாபர் அசாம் 65 ரன்கள் (53 பந்து, 5 பவுண்டரி, 2 சிக்சர்) விளாசினார். கடைசி கட்டத்தில் தடுமாறிய கராச்சி அணிக்கு இறுதி ஓவரில் வெற்றிக்கு 7 ரன் தேவைப்பட்டது. இதில் முதல் 5 பந்தில் ஒரு விக்கெட்டை இழந்து 2 ரன் மட்டுமே எடுத்த நிலையில், கடைசி பந்தில் கராச்சி வீரர் இமாத் வாசிம் பவுண்டரி அடித்தார். பரபரப்பான ஆட்டத்தின் முடிவில் கராச்சியின் ஸ்கோரும் 8 விக்கெட்டுக்கு 141 ரன்களுடன் நின்றதால் சமன் (டை) ஆனது. இதன் பின்னர் வெற்றி-தோல்வியை நிர்ணயிக்க கடைபிடிக்கப்பட்ட சூப்பர் ஓவரில் முதலில் ஆடிய கராச்சி அணி 2 விக்கெட்டையும் இழந்து 13 ரன் எடுத்தது. அடுத்து 14 ரன் எடுத்தால் வெற்றி என்ற இலக்கை நோக்கி ஆடிய முல்தான் அணி 9 ரன்களே எடுத்தது. இதன் மூலம் கராச்சி கிங்ஸ் அணி வெற்றி பெற்று முதல்முறையாக இறுதிப்போட்டிக்குள் நுழைந்தது. கராச்சி அணி இறுதிஆட்டத்தில் லாகூர் குலாண்டர்ஸ், முல்தான் சுல்தான்ஸ் ஆகிய அணிகளில் ஒன்றை சந்திக்கும்.

தொடர்புடைய செய்திகள்

1. பாகிஸ்தான் கராச்சியில் நடந்த குண்டு வெடிப்பில் 5 பேர் பலி; 20 பேர் காயம்
பாகிஸ்தான் கராச்சியில் நடந்த குண்டு வெடிப்பில் 5 பேர் பலியானார்கள்; 20 பேர் படுகாயமடைந்தனர்.
2. நாட்டிலேயே முதல் முறையாக தேசியவாத காங்கிரஸ் கட்சியில் ஓரினச்சேர்க்கையாளர் அணி தொடக்கம்
நாட்டிலேயே முதன் முறையாக தேசியவாத காங்கிரஸ் கட்சியில் ஓரினச்சேர்க்கையாளர் அணி தொடங்கப்பட்டு உள்ளது.