மும்பை,

இங்கிலாந்து கிரிக்கெட் அணி இந்தியாவில் சுற்றுப்பயணம் மேற்கொண்டு 4 டெஸ்ட் போட்டிகள் கொண்ட தொடரில் விளையாடுகிறது. இதில் முதல் 2 டெஸ்ட் போட்டிகள் சென்னை சேப்பாக்கம் மைதானத்தில் நடைபெறுகிறது. இந்தப் போட்டியில் பங்கேற்கும் இந்திய கிரிக்கெட் அணி இன்று அறிவிக்கப்பட்டுள்ளது.  

 இந்திய அணியில் இடம் பெற்றுள்ள வீரர்கள் விவரம் வருமாறு:- “ விராட் கோலி (கேப்டன்), ரகானே, ரோகித் சர்மா, சுப்மான் கில், மயங்க் அகர்வால், புஜாரா, சஹா, ஹர்திக் பாண்ட்யா, கே எல் ராகுல் ( காயத்தில் இருந்து மீள்வதை பொருத்து) ரிஷாப் பாண்ட், பும்ரா, இஷாந்த் சர்மா,ஷர்துல் தாகூர், அஷ்வின், குல்தீப்  யாதவ், வாஷிங்டன் சுந்தர், அக்சர் படேல்

இந்தியா - இங்கிலாந்து இடையேயான முதல் டெஸ்ட் போட்டி வரும் பிப்ரவரி 5 ஆம் தேதி சென்னையில் தொடங்குகிறது. 2-வது டெஸ்ட் போட்டி  13 ஆம் தேதி சேப்பாக்கம் மைதானத்திலேயே நடைபெறுகிறது. 3-வது மற்றும் 4-வது டெஸட் போட்டி அகமதாபத்தில் முறையே பிப்ரவரி 28, மார்ச் 8 ஆகிய தேதிகளில் நடைபெறுகிறது. 

டெஸ்ட் தொடருக்குப் பிறகு 5 டி20 போட்டிகள் கொண்ட தொடரிலும், 3 ஒருநாள் போட்டிகள் கொண்ட தொடரில் இங்கிலாந்து அணி  விளையாடுகிறது.