தென்ஆப்பிரிக்காவுக்கு எதிரான 20 ஓவர் கிரிக்கெட்: பாகிஸ்தான் அணி வெற்றி

லாகூர், 

தென்ஆப்பிரிக்கா-பாகிஸ்தான் அணிகள் இடையிலான 3-வது மற்றும் கடைசி 20 ஓவர் கிரிக்கெட் போட்டி லாகூரில் நேற்று நடந்தது. இதில் ‘டாஸ்’ ஜெயித்த பாகிஸ்தான் அணி பீல்டிங்கை தேர்வு செய்தது. இதன்படி முதலில் பேட் செய்த தென்ஆப்பிரிக்க அணி 20 ஓவர்களில் 8 விக்கெட் இழப்புக்கு 164 ரன்கள் எடுத்தது. அதிகபட்சமாக டேவிட் மில்லர் 85 ரன்கள் (45 பந்து, 5 பவுண்டரி, 7 சிக்சர்) குவித்து ஆட்டம் இழக்காமல் இருந்தார். பாகிஸ்தான் தரப்பில் ஜாஹித் மக்மூத் 3 விக்கெட்டும், முகமது நவாஸ், ஹசன் அலி தலா 2 விக்கெட்டும் சாய்த்தனர். பின்னர் இலக்கை நோக்கி ஆடிய பாகிஸ்தான் அணி 18.4 ஓவர்களில் 6 விக்கெட்டுக்கு 169 ரன்கள் எடுத்து 4 விக்கெட் வித்தியாசத்தில் அபார வெற்றி பெற்றது. இந்த வெற்றியின் மூலம் பாகிஸ்தான் அணி 20 ஓவர் போட்டி தொடரை 2-1 என்ற கணக்கில் தனதாக்கியது.