ஜெய்ப்பூர்,

38 அணிகள் பங்கேற்றுள்ள விஜய் ஹசாரே கோப்பைக்கான ஒருநாள் கிரிக்கெட் போட்டி தொடர் பல்வேறு நகரங்களில் நடந்து வருகிறது. இதில் ஜெய்ப்பூரில் நேற்று நடந்த ‘டி’ பிரிவு ஆட்டம் ஒன்றில் மும்பை-மராட்டியம் அணிகள் மோதின. முதலில் ‘பேட்’ செய்த மராட்டிய அணி 9 விக்கெட் இழப்புக்கு 279 ரன்கள் எடுத்தது. 

தொடர்ந்து ஆடிய மும்பை அணி 47.2 ஓவர்களில் 4 விக்கெட்டுக்கு 280 ரன் குவித்து 6 விக்கெட் வித்தியாசத்தில் வெற்றி பெற்றது. கேப்டன் ஸ்ரேயாஸ் அய்யர் 99 பந்துகளில் 9 பவுண்டரி, ஒரு சிக்சருடன் 103 ரன்கள் விளாசினார். மும்பை அணி தொடர்ச்சியாக ருசித்த 2-வது வெற்றி இதுவாகும்.