கிரிக்கெட்

400 விக்கெட்டுகள் வீழ்த்தினார் அஸ்வின் + "||" + Aswin took 400 wickets

400 விக்கெட்டுகள் வீழ்த்தினார் அஸ்வின்

400 விக்கெட்டுகள் வீழ்த்தினார் அஸ்வின்
டெஸ்ட் கிரிக்கெட் போட்டியில் இந்திய சுழற்பந்து வீச்சாளர் அஸ்வின் 400 விக்கெட்டுகளை வீழ்த்தினார்.
ஆமதாபாத், 

ஆமதாபாத்தில் நடந்த இங்கிலாந்துக்கு எதிரான 3-வது டெஸ்டில் இந்திய சுழற்பந்து வீச்சாளர் அஸ்வின், ஜோப்ரா ஆர்ச்சரின் விக்கெட்டை எல்.பி.டபிள்யூ. முறையில் வீழ்த்திய போது அது அவரது 400-வது விக்கெட்டாக அமைந்தது. இந்த மைல்கல்லை எட்டிய 16-வது வீரர், இந்திய அளவில் 4-வது வீரர் என்ற சிறப்பை பெற்றார். தமிழகத்தை சேர்ந்த 34 வயதான அஸ்வின் இதுவரை 77 டெஸ்டுகளில் விளையாடி 401 விக்கெட்டுகள் அறுவடை செய்திருக்கிறார்.

இந்திய பவுலர்களில் அதிக விக்கெட்டுகள் வீழ்த்தியவர்களில் அனில் கும்பிளே (619 விக்கெட்), கபில்தேவ் (434 விக்கெட்), ஹர்பஜன்சிங் (417 விக்கெட்) ஆகியோருக்கு அடுத்த இடத்தில் அஸ்வின் உள்ளார்.

அத்துடன் 400 விக்கெட்டுகளை அதிவேகமாக எட்டிய 2-வது வீரர் என்ற பெருமையையும் அஸ்வின் (77 டெஸ்டுகளில்) பெற்றார். இலங்கை சுழற்பந்து வீச்சு ஜாம்பவான் முரளிதரன் 72 டெஸ்டுகளில் இந்த இலக்கை எட்டியதே சாதனையாக இருக்கிறது.