இன்ஸ்டாகிரமில் 100 மில்லியன் ஃபாலோயர்ஸ்; விராட் கோலிக்கு புதிய பெருமை
சமூக வலைத்தளமான இன்ஸ்டாகிரமில் 100 மில்லியன் பின் தொடர்பவர்களை கொண்ட ஒரே கிரிக்கெட் பிரபலம் என்ற பெருமையை விராட் கோலி பெற்றுள்ளார்.
இந்திய கிரிக்கெட் அணியின் நட்சத்திர வீரர் விராட் கோலி, சமூக வலைத்தளங்களில் மிகவும் ஆக்டிவாக இருக்கும் விளையாட்டு பிரபலங்களில் ஒருவர் ஆவார்.
இன்ஸ்டாகிராமில் விராட் கோலியை பின் தொடர்பவர்கள் எண்ணிக்கை 100 மில்லியனை ( 10 கோடி) கடந்துள்ளது. இந்தியாவில் 100 மில்லியன் பின் தொடர்பவர்களை பெற்ற ஒரே பிரபலம் விராட் கோலியே ஆவார். அதேபோல், உலக அளவில் 100 மில்லியன் பாலோயர்களை எட்டிய ஒரே கிரிக்கெட் பிரபலமும் விராட் கோலிதான்.
இந்தியாவில் விராட் கோலிக்கு அடுத்தபடியாக அதிக பாலோயர்களை கொண்ட பிரபலமாக நடிகை பிரியங்கா சோப்ரா உள்ளார். அவருக்கு அடுத்த இடங்களில் முறையே ரன்வீர் சிங், தீபிகாபடுகோன் ஆகியோர் உள்ளனர். இந்திய பிரதமர் மோடியை இன்ஸ்டாகிராமில் பின் தொடர்பவர்கள் எண்ணிக்கை 51.2 மில்லியனாக உள்ளது.
உலக அளவில் இன்ஸ்டாகிரமில் அதிக பாலோயர்களை கொண்டவர்களின் பட்டியலில் முதலிடத்தில் கால்பந்து நட்சத்திரம் ரோனால்டோ (500 மில்லியன்) உள்ளார். அடுத்தடுத்த இடங்களில் முறையே லியோனல் மெஸ்ஸி, நெய்மர் ஆகியோர் உள்ளனர். இந்த வரிசையில் விராட் கோலி 4-ஆம் இடம் வகிக்கிறார்.
Related Tags :
Next Story