கிரிக்கெட்

ஐ.பி.எல். பற்றிய கருத்துக்கு வருத்தம் தெரிவித்தார், ஸ்டெயின் + "||" + Steyn apologized for those comments in IPL

ஐ.பி.எல். பற்றிய கருத்துக்கு வருத்தம் தெரிவித்தார், ஸ்டெயின்

ஐ.பி.எல். பற்றிய கருத்துக்கு வருத்தம் தெரிவித்தார், ஸ்டெயின்
ஐ.பி.எல். கிரிக்கெட் போட்டிக்கான பெங்களூரு ராயல் சேலஞ்சர்ஸ் அணியில் இடம் பிடித்து இருந்த தென்ஆப்பிரிக்காவை சேர்ந்த 37 வயது வேகப்பந்து வீச்சாளரான ஸ்டெயின் இந்த ஆண்டுக்கான ஐ.பி.எல். போட்டியில் இருந்து ஏலத்துக்கு முன்னதாகவே விலகினார்.
தற்போது பாகிஸ்தான் சூப்பர் லீக்கில் விளையாடி வரும் ஸ்டெயின் அளித்த ஒரு பேட்டியில், ‘ஐ.பி.எல். போட்டியை பொறுத்தமட்டில் ஒவ்வொரு அணியிலும் அதிக எண்ணிக்கையிலான வீரர்களும், அதிக அளவில் பிரபலமான வீரர்களும் இடம் பெற்று வருகிறார்கள். இந்த போட்டியின் மூலம் வீரர்கள் சம்பாதிக்கும் பணத்துக்கு தான் அதிக முக்கியத்துவம் அளிக்கப்படுகிறது. இதனால் சில சமயங்களில் கிரிக்கெட் ஆட்டத்தின் தனித்தன்மை மறக்கப்படுகிறது. ஆனால் மற்ற லீக் போட்டிகளில் ஆட்டத்தின் தன்மை குறித்து அதிகம் பேசப்படுகிறது’ என்று தெரிவித்து இருந்தார். ஸ்டெயினின் இந்த கருத்துக்கு சமூக வலைதளங்களில் கடும் எதிர்ப்பு கிளம்பியது.

இந்த நிலையில் ஐ.பி.எல். பற்றிய தனது கருத்துக்கு ஸ்டெயின் வருத்தம் தெரிவித்துள்ளார். இது குறித்து அவர் தனது டுவிட்டர் பதிவில், ‘ஐ.பி.எல். எனக்கு மட்டுமின்றி மற்ற வீரர்களுக்கும் சிறப்பானதாகவே அமைந்து இருக்கிறது. ஐ.பி.எல். போட்டியை மற்ற லீக் ஆட்டங்களுடன் ஒப்பிட்டு தரம் தாழ்த்தவோ? அல்லது அவமதிக்கவோ? நான் ஒருபோதும் நினைத்ததில்லை. சமூக வலைதளங்கள் பெரும்பாலும் தவறான அர்த்தங்களை வெளியிடக்கூடும். என்னுடைய கருத்து யாரையாவது வேதனைப்படுத்தி இருந்தால் அதற்காக வருத்தம் தெரிவித்து கொள்கிறேன்’ என்று 
குறிப்பிட்டுள்ளார். ஸ்டெயின் ஐ.பி.எல். போட்டியில் 95 ஆட்டங்களில் ஆடி 97 விக்கெட்டுகள் வீழ்த்தி உள்ளார்.

தொடர்புடைய செய்திகள்

1. ஐ.பி.எல். கிரிக்கெட் போட்டி அட்டவணை வெளியீடு; முதல் ஆட்டத்தில் மும்பை-பெங்களூரு அணிகள் சென்னையில் மோதல்
14-வது ஐ.பி.எல். கிரிக்கெட் போட்டி அட்டவணை வெளியிடப்பட்டது. ஏப்ரல் 9-ந்தேதி தொடங்கும் முதல் ஆட்டத்தில் மும்பை-பெங்களூரு அணிகள் சென்னை சேப்பாக்கத்தில் மோதுகின்றன.
2. ஐ.பி.எல். பயிற்சி முகாமில் பங்கேற்க டோனி சென்னை வருகை
14-வது ஐ.பி.எல். 20 ஓவர் கிரிக்கெட் போட்டி அடுத்த மாதம் (ஏப்ரல்) தொடங்குகிறது.
3. ஐ.பி.எல். முதலாவது தகுதி சுற்று: டெல்லிக்கு எதிரான ஆட்டத்தில் மும்பை அணி 200 ரன்கள் குவிப்பு
டெல்லி கேபிடல்ஸ் அணிக்கு 201 ரன்களை வெற்றி இலக்காக மும்பை இந்தியன்ஸ் அணி நிர்ணையித்துள்ளது.
4. ஐ.பி.எல். முதலாவது தகுதி சுற்று: டெல்லி கேப்பிட்டல்ஸ் டாஸ் வென்று பந்து வீச்சு தேர்வு
ஐபிஎல் முதலாவது தகுதி சுற்றில் மும்பை இந்தியன்ஸ்க்கு எதிராக டெல்லி கேப்பிட்டல்ஸ் கேப்டன் ஷ்ரேயாஸ் அய்யர் டாஸ் வென்று பந்து வீச்சை தேர்வு செய்துள்ளார்.