கிரிக்கெட்

கொரோனா பரவல் காரணமாக பாகிஸ்தான் சூப்பர் லீக் கிரிக்கெட் போட்டி ஒத்திவைப்பு + "||" + Pakistan Super League cricket match postponed due to corona spread

கொரோனா பரவல் காரணமாக பாகிஸ்தான் சூப்பர் லீக் கிரிக்கெட் போட்டி ஒத்திவைப்பு

கொரோனா பரவல் காரணமாக பாகிஸ்தான் சூப்பர் லீக் கிரிக்கெட் போட்டி ஒத்திவைப்பு
கொரோனா பரவல் காரணமாக பாகிஸ்தான் சூப்பர் லீக் கிரிக்கெட் போட்டி ஒத்திவைக்கப்படுவதாக அறிவிக்கப்பட்டுள்ளது.
கராச்சி,

கராச்சியில் 6-வது பாகிஸ்தான் சூப்பர் லீக் 20 ஓவர் கிரிக்கெட் போட்டி கடந்த மாதம் 20-ந்தேதி தொடங்கி நடந்து வந்தது. இந்த போட்டியில் பங்கேற்ற 2 வெளிநாட்டு வீரர்கள் முதலில் கொரோனா தொற்று பாதிப்புக்கு ஆளாகி தனிமைப்படுத்தப்பட்டனர். 

இதனை தொடர்ந்து அடுத்த சில நாட்களில் மேலும் 4 வீரர்கள், ஒரு உதவி பயிற்சியாளர் கொரோனாவினால் பாதிக்கப்பட்டு இருப்பது பரிசோதனையில் உறுதியானது. இதனால் கொரோனாவால் பாதிக்கப்பட்டவர்களின் எண்ணிக்கை 7 ஆக அதிகரித்தது.

கொரோனா பரவல் எதிரொலியாக சில வெளிநாட்டு வீரர்கள் போட்டியில் இருந்து விலகி தங்களது சொந்த நாட்டுக்கு திரும்ப திட்டமிட்டனர். இந்த நிலையில் இந்த விவகாரம் குறித்து பாகிஸ்தான் சூப்பர் லீக் அணிகளின் நிர்வாகிகளுடன் ஆலோசனை நடத்திய பாகிஸ்தான் கிரிக்கெட் வாரியம் இந்த போட்டியை உடனடியாக தள்ளிவைப்பதாக நேற்று அறிவித்தது. 

கொரோனா தடுப்பு விதிமுறைகள் அனைத்தும் முறையாக பின்பற்றப்பட்டதாக கூறப்பட்ட போதும், வீரர்களுக்கு தொற்று ஏற்பட்டுள்ளது. இதையடுத்து கொரோனா தடுப்பு பாதுகாப்பு விஷயத்தில் என்ன தவறு நடந்தது என்பது குறித்து விசாரணை நடத்தப்படும் என்று பாகிஸ்தான் கிரிக்கெட் வாரிய தலைமை செயல் அதிகாரி வாசிம் கான் தெரிவித்துள்ளார்.

தொடர்புடைய செய்திகள்

1. மாவட்டத்தில் படிப்படியாக குறைந்து வரும் கொரோனா தொற்று
அரசின் தீவிர நடவடிக்கையால் சிவகங்கை மாவட்டத்தில் கொரோனா ெதாற்று படிப்படியாக குறைந்து வருகிறது. நேற்று ஒரே நாளில் 79 பேருக்கு கொரோனா பாதிப்பு ஏற்பட்டது. தினமும் குணம் அடைவோரின் எண்ணிக்கை அதிகரித்து உள்ளது.
2. புதிதாக 134 பேருக்கு கொரோனா
விருதுநகர் மாவட்டத்தில் புதிதாக 134 பேருக்கு கொரோனா தொற்று உறுதியானது.
3. கொரோனாவுக்கு சிகிச்சை பெறுவோரின் எண்ணிக்கை 926 ஆக குறைந்தது
புதுக்கோட்டை மாவட்டத்தில் கொரோனா தொற்று பாதித்தவர்களின் எண்ணிக்கை 926 ஆக குறைந்தது.
4. 164 பேருக்கு கொரோனா; 2 பேர் மட்டுமே உயிரிழப்பு
மதுரையில் நேற்று புதிதாக 164 பேருக்கு கொரோனா உறுதி செய்யப்பட்டது
5. கரூர் மாவட்டத்தில் புதிதாக 132 பேருக்கு தொற்று
கரூர் மாவட்டத்தில் கொரோனாவுக்கு நேற்று மேலும் 3 பேர் பரிதாபமாக இறந்தனர். புதிதாக 132 பேருக்கு தொற்று ஏற்பட்டுள்ளது.