ஒரே ஓவரில் 6 சிக்சர் அடித்து இலங்கை வீரர் திசரா பெரேரா சாதனை
கிளப் அணிகளுக்கான ஒரு நாள் கிரிக்கெட் போட்டி இலங்கையில் நடந்து வருகிறது.
கொழும்பு,
கிளப் அணிகளுக்கான ஒரு நாள் கிரிக்கெட் போட்டி இலங்கையில் நடந்து வருகிறது. இதில் நேற்று முன்தினம் நடந்த புளோம் பீல்ட் கிரிக்கெட் மற்றும் அத்லெடிக் கிளப் அணிக்கு எதிரான ஆட்டத்தில் ராணுவ ஸ்போர்ட்ஸ் கிளப் அணிக்காக ஆடிய இலங்கை அணியின் ஆல்-ரவுண்டர் 31 வயது திசரா பெரேரா 13 பந்துகளில் 8 சிக்சருடன் 52 ரன்கள் எடுத்து ஆட்டம் இழக்காமல் இருந்தார். அவர் பகுதி நேர சுழற்பந்து வீச்சாளர் தில்ஹன் கூராய் பந்து வீசிய ஒரு ஓவரில் 6 பந்துகளையும் சிக்சருக்கு பறக்கவிட்டு அசத்தினார். இதன் மூலம் அவர் தொழில்முறை கிரிக்கெட்டில் ஒரு ஓவரில் 6 சிக்சர்கள் அடித்த முதல் இலங்கை வீரர் என்ற சாதனையை படைத்தார். அத்துடன் ஒட்டுமொத்தத்தில் இந்த சாதனையை எட்டிய 9-வது வீரர் ஆவார். சாதனை படைத்த இந்த ஆட்டம் மழையால் பாதியில் கைவிடப்பட்டது குறிப்பிடத்தக்கது.
Related Tags :
Next Story