கிரிக்கெட்

கடைசி ஒரு நாள் கிரிக்கெட்டில் தென்ஆப்பிரிக்காவை வீழ்த்தியது பாகிஸ்தான் + "||" + South Africa vs Pakistan 3rd ODI Highlights: Pakistan win by 28 runs

கடைசி ஒரு நாள் கிரிக்கெட்டில் தென்ஆப்பிரிக்காவை வீழ்த்தியது பாகிஸ்தான்

கடைசி ஒரு நாள் கிரிக்கெட்டில் தென்ஆப்பிரிக்காவை வீழ்த்தியது பாகிஸ்தான்
தென்ஆப்பிரிக்கா - பாகிஸ்தான் அணிகள் இடையிலான 3-வது மற்றும் கடைசி ஒரு நாள் கிரிக்கெட் போட்டி செஞ்சூரியனில் நேற்று நடந்தது.

இதில் முதலில் பேட் செய்த பாகிஸ்தான் 7 விக்கெட்டுக்கு 320 ரன்கள் குவித்தது. தனது 6-வது சதத்தை எட்டிய பஹர் ஜமான் 101 ரன்களும் (104 பந்து, 9 பவுண்டரி, 3 சிக்சர்), கேப்டன் பாபர் அசாம் 94 ரன்களும் (82 பந்து, 7 பவுண்டரி, 3 சிக்சர்) விளாசினர். கடைசி பந்தில் சதத்துக்கு சிக்சர் தேவைப்பட்ட போது பந்தை தூக்கியடித்த பாபர் அசாம் கேட்ச் ஆகிப்போனார்.

அடுத்து களம் கண்ட தென்ஆப்பிரிக்கா 128 ரன்னுக்குள் 4 விக்கெட்டுகளை இழந்து திணறியது. இதன் பின்னர் கைல் வெரைன் (62 ரன்), பெலக்வாயோ (54 ரன்) ஆகியோர் அரைசதம் அடித்து அணியை சரிவில் இருந்து மீட்ட போதிலும் வெற்றிக்கு போதுமானதாக அமையவில்லை. அந்த அணி 49.3 ஓவர்களில் 292 ரன்னில் ஆல்-அவுட் அனது.

இதன் மூலம் 28 ரன்கள் வித்தியாசத்தில் வெற்றியை ருசித்த பாகிஸ்தான் அணி தொடரையும் 2-1 என்ற கணக்கில் கைப்பற்றியது. குயின்டான் டி காக், ரபடா, நோர்டியா, நிகிடி, டேவிட் மில்லர் ஆகிய முன்னணி வீரர்கள் ஐ.பி.எல். போட்டிக்காக விலகியது தென்ஆப்பிரிக்க அணிக்கு பாதிப்பை ஏற்படுத்தி விட்டது.

அடுத்து பாகிஸ்தான்-தென்ஆப்பிரிக்கா இடையே 4 போட்டிகள் கொண்ட 20 ஓவர் தொடரில் முதலாவது ஆட்டம் வருகிற 10-ந்தேதி ஜோகன்னஸ்பர்க்கில் நடக்கிறது.


தொடர்புடைய செய்திகள்

1. வங்காளதேசத்துக்கு எதிரான இரண்டாவது டெஸ்ட் : பாகிஸ்தான் அணி வெற்றி.
வங்காளதேசத்துக்கு எதிரான இரண்டாவது டெஸ்ட் போட்டியில் பாகிஸ்தான் அணி வெற்றி பெற்றது
2. ஒரே இன்னிங்சில் 8 விக்கெட்: வங்காளதேசத்துக்கு எதிராக பாகிஸ்தான் பந்துவீச்சாளர் அசத்தல்
தற்போது வரை வங்காளதேச அணி இரண்டாவது இன்னிங்சில் 2 விக்கெட் இழப்பிற்கு 12 ரன்கள் எடுத்துள்ளது.
3. வங்காளதேச அணிக்கு எதிரான 2-வது டெஸ்ட் - 300 ரன்களுக்கு டிக்ளேர் செய்தது பாகிஸ்தான் அணி
பாகிஸ்தான் அணியில் அதிகபட்சமாக கேப்டன் பாபர் அசாம் 76 ரன்கள் குவித்து ஆட்டமிழந்தார்.
4. இலங்கை நபர் எரித்து கொலை; 'இளமையின் குதூகலம், எப்போதும் நடப்பதுதான்’ - பாக்.மந்திரி சர்ச்சை பேச்சு
பாகிஸ்தானில் இலங்கை நபர் எரித்து கொலை செய்யப்பட்ட சம்பவம் ‘இளமையின் குதூகலம்’ மற்றும் இது ‘எப்போதும் நடப்பது தான்’ என பாகிஸ்தான் மந்திரி கூறினார்.
5. பாக். ஆக்கிரமிப்பு காஷ்மீரில் ராணுவ ஹெலிகாப்டர் விபத்து - விமானிகள் 2 பேர் பலி
பாகிஸ்தான் ஆக்கிரமிப்பு காஷ்மீரில் ராணுவ ஹெலிகாப்டர் நொறுங்கி விழுந்து விபத்துக்குள்ளான சம்பவத்தில் 2 விமானிகள் உயிரிழந்தனர்.