கிரிக்கெட்

இந்தியாவில் கொரோனா பாதிப்பு அதிகரிப்பால் 20 ஓவர் உலக கோப்பை கிரிக்கெட் போட்டி வேறு நாட்டுக்கு மாற்றப்படுமா? ஐ.சி.சி. அதிகாரி பதில் + "||" + We have backup plans for T20 World Cup in India but proceeding as planned now: ICC

இந்தியாவில் கொரோனா பாதிப்பு அதிகரிப்பால் 20 ஓவர் உலக கோப்பை கிரிக்கெட் போட்டி வேறு நாட்டுக்கு மாற்றப்படுமா? ஐ.சி.சி. அதிகாரி பதில்

இந்தியாவில் கொரோனா பாதிப்பு அதிகரிப்பால் 20 ஓவர் உலக கோப்பை கிரிக்கெட் போட்டி வேறு நாட்டுக்கு மாற்றப்படுமா? ஐ.சி.சி. அதிகாரி பதில்
7-வது 20 ஓவர் உலக கோப்பை கிரிக்கெட் போட்டி இந்தியாவில் வரும் அக்டோபர்-நவம்பர் மாதங்களில் நடத்த திட்டமிடப்பட்டு உள்ளது.

தற்போது இந்தியாவில் கொரோனா பரவல் மீண்டும் அதிகரிக்க தொடங்கி உள்ளது. தினசரி பாதிப்பு ஒரு லட்சத்தை தாண்டிவிட்டதால் 20 ஓவர் உலக கோப்பை போட்டி திட்டமிட்டபடி நடக்குமா? என்ற கேள்வி எழுந்துள்ளது. இது குறித்து சர்வதேச கிரிக்கெட் கவுன்சிலின் (ஐ.சி.சி.) இடைக்கால தலைமை செயல் அதிகாரி ஜெப் அலார்டிஸ் (ஆஸ்திரேலியா) நேற்று நிருபர்களுக்கு அளித்த பேட்டியில் கூறியதாவது:-

20 ஓவர் உலக கோப்பை கிரிக்கெட் போட்டியை திட்டமிட்டபடி இந்தியாவில் நடத்துவதற்கான வேலைகளை தொடங்குகிறோம். இந்தியாவில் நடத்த முடியாத சூழ்நிலை ஏற்பட்டால் அதற்கு மாற்று திட்டத்தையும் (வேறு நாட்டுக்கு மாற்றுவது) கைவசம் வைத்துள்ளோம். ஆனால் மாற்றுத்திட்டம் குறித்து நாங்கள் இன்னும் எதுவும் விவாதிக்கவில்லை.. இந்திய கிரிக்கெட் வாரியத்துடன் இணைந்து பணியாற்றி வருகிறோம். அதற்குரிய நேரம் வரும் போது மாற்று திட்டத்தை செயல்படுத்துவதற்கான நடவடிக்கையில் இறங்குவோம். இதற்கு என்று காலக்கெடு எதுவும் நிர்ணயிக்கவில்லை. உலக கோப்பை போட்டிக்கு இன்னும் பல மாதங்கள் உள்ளன. அதற்குள் சூழ்நிலை எப்படி இருக்கிறது, மற்ற போட்டிகள் எல்லாம் எப்படி நடக்கின்றன என்பதை பார்ப்போம்.

பல்வேறு நாடுகளில் தற்போது கிரிக்கெட் போட்டிகள் நடந்து வருகிறது. அவர்களிடம் இருந்து நாங்கள் கற்று வருகிறோம். கடினமான கொரோனா காலத்தை மற்ற விளையாட்டு அமைப்புகள் எப்படி சமாளிக்கின்றன என்பதை அவர்களிடமும் பேசி தெரிந்து கொள்கிறோம். அடுத்த 2 மாதத்தில் உலக டெஸ்ட் சாம்பியன்ஷிப் போட்டியும் வருகிறது. இரண்டு போட்டிகளையும் திட்டமிட்டபடி நடத்துவதற்கான ஏற்பாடுகளை மேற்கொண்டுள்ளோம்.

இவ்வாறு அவர் கூறினார்.

ஒருவேளை 20 ஓவர் உலக கோப்பை போட்டியை வேறு நாட்டுக்கு மாற்ற வேண்டிய நிலைமை உருவானால், ஐக்கிய அரபு அமீரத்துக்கு மாற்றப்பட வாய்ப்பு உள்ளது. அங்கு ஏற்கனவே கடந்த ஆண்டு ஐ.பி.எல். போட்டி வெற்றிகரமாக நடந்தது நினைவு கூரத்தக்கது.


தொடர்புடைய செய்திகள்

1. திரிபுரா முதல்வர் பிப்லாப் குமாருக்கு கொரோனா
திரிபுரா முதல்வர் பிப்லாப் குமாருக்கு கொரோனா தொற்று உறுதி செய்யப்பட்டுள்ளது.
2. திரிபுரா முதல் மந்திரிக்கு கொரோனா தொற்று பாதிப்பு
திரிபுரா முதல் மந்திரிக்கு கொரோனா தொற்று பாதிப்பு
3. கொரோனா தடுப்பு கட்டுப்பாடுகள் காரணமாக மும்பையில் திடீரென கடைகள் அடைப்பு; சாலைகள் வெறிச்சோடின
மும்பையில் பல இடங்களில் நேற்று கடைகள் அடைக்கப்பட்டதால் பரபரப்பு ஏற்பட்டது. சாலைகள் வெறிச்சோடின.
4. மராட்டியத்தில் மேலும் 55 ஆயிரம் பேருக்கு கொரோனா; 297 பேர் பலி
மராட்டியத்தில் மேலும் 55 ஆயிரம் பேருக்கு கொரோனா பாதிப்பு ஏற்பட்டது. 297 பேர் உயிரிழந்தனர். தாராவியில் 62 பேர் பாதிக்கப்பட்டு உள்ளனர்.
5. ஓமனில் மொத்த கொரோனா பாதிப்பு 1 லட்சத்து 65 ஆயிரத்தை கடந்தது
ஓமனில் கடந்த 24 மணி நேரத்தில் மேற்கொள்ளப்பட்ட மருத்துவ பரிசோதனை முடிவுகளில், 1,208 பேருக்கு கொரோனா தொற்று இருப்பது நேற்று உறுதி செய்யப்பட்டுள்ளது.