கிரிக்கெட்

இந்திய கிரிக்கெட் வாரிய ஒப்பந்த பட்டியலில் தமிழக வீரர் நடராஜன் இடம்பெறாதது ஏன்? மீண்டும் சேர வாய்ப்பு எப்படி..? + "||" + Why did Natarajan miss out on a BCCI annual contract?

இந்திய கிரிக்கெட் வாரிய ஒப்பந்த பட்டியலில் தமிழக வீரர் நடராஜன் இடம்பெறாதது ஏன்? மீண்டும் சேர வாய்ப்பு எப்படி..?

இந்திய கிரிக்கெட் வாரிய ஒப்பந்த  பட்டியலில் தமிழக வீரர் நடராஜன் இடம்பெறாதது ஏன்? மீண்டும் சேர வாய்ப்பு எப்படி..?
இந்திய அணியின் நம்பிக்கை நட்சத்திரமாக விளங்கும் நடராஜனுக்கு ஒப்பந்தம் வழங்காதது அவருடைய ரசிகர்களை ஆச்சர்யப்பட வைத்துள்ளது.
மும்பை

இந்திய கிரிக்கெட் வாரியம் சார்பில் ஏ பிளஸ், ஏ, பி சி என்று 4 வகையாக கிரிக்கெட் வீரர்கள் தரம் பிரிக்கப்பட்டு ரூ.7 கோடி, ரூ.5 கோடி, ரூ.3 கோடி, ரூ.1 கோடி வீதம் ஆண்டுதோறும் ஊதியம் வழங்கப்படுகிறது. 2020-ம் ஆண்டு அக்டோபர் முதல் 2021-ம் ஆண்டு செப்டம்பர் வரையிலான வீரர்களின் புதிய ஒப்பந்த பட்டியலை இந்திய கிரிக்கெட் வாரியம் நேற்று வெளியிட்டது.

ஏ பிளஸ் பிரிவில் விராட் கோலி, ரோஹித் சர்மா, பும்ரா ஆகியோர் இடம்பெற்றுள்ளார்கள். இவர்களின் சம்பளம் தலா ரூ. 7 கோடி.

ரூ. 5 கோடிக்கான ‘ஏ’ பிரிவில் அஸ்வின், ரவீந்திர ஜடேஜா, புஜாரா, அஜிங்யா ரஹானே, ஷிகர் தவான், லோகேஷ் ராகுல், முகமது ஷமி, இஷாந்த் ஷர்மா, ரிஷாப் பண்ட், ஹர்திக் பாண்ட்யா, இடம் பெற்று உள்ளனர்.  டெஸ்ட் கிரிக்கெட்டை முன்னுரிமையாக வைத்திருக்க பி.சி.சி.ஐ விரும்புகிறது, எனவே இது கிரேடு ஏ ஒப்பந்தங்களை புஜாரா, அஜிங்யா ரஹானே, இஷாந்த் சர்மா மற்றும் அஸ்வின் போன்ற வீரர்களுக்கு வழங்கியுள்ளது. இந்த வீரர்கள் சமீபத்திய காலங்களில் குறுகிய வடிவங்களுக்கு தேர்வு செய்யப்படவில்லை மற்றும் டெஸ்ட் கிரிக்கெட்டை மட்டுமே விளையாடுகிறார்கள்.

ரூ. 3 கோடிக்கான ‘பி’ பிரிவில் விருத்திமான் சஹா, உமேஷ் யாதவ், புவனேஷ்வர்குமார், ஷர்துல் தாகூர், மயங்க் அகர்வால், ‘சி’ பிரிவில் குல்தீப் யாதவ், நவ்தீப் சைனி, தீபக் சாஹர், சுப்மான் கில், ஹனுமா விஹாரி, அக்‌ஷர் பட்டேல், ஸ்ரேயாஸ் அய்யர், வாஷிங்டன் சுந்தர், யுஸ்வேந்திர சாஹல், முகமது சிராஜ் ஆகியோர் இடம் பெற்றுள்ளனர்.

குறைந்த ஆட்டங்களில் விளையாடியுள்ள சைனி, தீபக் சஹார், சுப்மன் கில், சிராஜ் ஆகியோர் ஒப்பந்தப் பட்டியலில் இடம்பெற்றுள்ள நிலையில் தமிழக வீரர் நடராஜனுக்கு ஒப்பந்தப் பட்டியலில் இடம் கிடைக்கவில்லை. 

நடராஜன் இந்திய அணிக்காக 1 டெஸ்ட், 2 ஒருநாள், 4  20 ஓவர் போட்டிகளில் விளையாடியுள்ளார். இந்திய அணியின் நம்பிக்கை நட்சத்திரமாக விளங்கும் நடராஜனுக்கு ஒப்பந்தம் வழங்காதது அவருடைய ரசிகர்களை ஆச்சர்யப்பட வைத்துள்ளது. கடந்த வருட ஒப்பந்தப் பட்டியலில் இடம்பிடித்த மனிஷ் பாண்டே, கெதர் ஜாதவுக்கு ஆகியோருக்கு மீண்டும் ஒப்பந்தம் அளிக்கப்படவில்லை.

சுப்மன் கில், அக்‌ஷர் படேல், சிராஜ் ஆகியோர் புதிதாக ஒப்பந்தப் பட்டியலில் இடம்பெற்றுள்ளார்கள். சைனி 2 டெஸ்ட், 7 ஒருநாள், 10 டி20 ஆட்டங்களிலும் தீபக் சஹார் 3 ஒருநாள், 13 டி20 ஆட்டங்களிலும் ஷுப்மன் கில் 7 டெஸ்டுகள், 3 ஒருநாள் ஆட்டங்களிலும் சிராஜ் 5 டெஸ்டுகள், 1 ஒருநாள், 3   ஆட்டங்களிலும் விளையாடியுள்ளார்கள். 

சமீபத்தில் இந்திய அணியில் விளையாடிய சூர்யகுமார் யாதவ், இஷான் கிஷன், ராகுல் சஹார் ஆகியோரும் ஒப்பந்தப் பட்டியலில் இடம்பெறவில்லை.

இதில் காயத்தால் கடந்த ஆண்டு நிறைய போட்டிகளை தவற விட்ட வேகப்பந்து வீச்சாளர் புவனேஷ்வர்குமார் ஏ-ல் இருந்து தரம் இறக்கப்பட்டு பி பிரிவுக்கு மாற்றப்பட்டு உள்ளார். அதே சமயம் ஆல்-ரவுண்டர் ஹர்திக் பாண்ட்யா பி-ல் இருந்து ஏ பிரிவுக்கு முன்னேறியுள்ளார். சமீபத்திய மாதங்களில் டெஸ்ட் போட்டிகளில் அறிமுகமாகி பட்டைய கிளப்பிய சுப்மான் கில், அக்‌ஷர் பட்டேல், முகமது சிராஜ் ஆகியோருக்கு ஒப்பந்தத்தில் சி கிரேடு வழங்கப்பட்டு உள்ளது.

ஒரு வீரர் வருடாந்திர ஒப்பந்த பட்டியலில் இடம் பெற  ஒரு சீசனில்  குறைந்தபட்சம் மூன்று டெஸ்ட் அல்லது எட்டு ஒருநாள் போடிகள் அல்லது 10 இருபது ஓவர் போட்டிகளில் விளையாட  வேண்டும். மூன்று வடிவங்களையும் சீரான அடிப்படையில் விளையாடுபவர்களுக்கு கிரேடு ஏபிளஸ் ஒப்பந்தங்கள் வழங்கப்படுகின்றன.

ஆஸ்திரேலியாவில் அனைவரையும் கவர்ந்த தமிழக வீரர் நடராஜன், இந்த சீசனில் 1 டெஸ்ட், 2 ஒருநாள் போட்டி  மற்றும் 4இருபது ஓவர் போட்டிகளில் மட்டுமே விளையாடி உள்ளார். இதனால்  ஒப்பந்தங்கள் பட்டியலில் சேர வாரியம் நிர்ணயித்த அளவுகோல்களை பூர்த்தி செய்யத் தவறிவிட்டது.

கடந்த சீசனில் ஆஸ்திரேலியாவுக்கு எதிராக ஒரே ஒரு டெஸ்டில் மட்டுமே விளையாடியதால் தொடக்க ஆட்டக்காரர் பிருத்வி ஷாவுக்கும் ஒப்பந்தம் கிடைக்கவில்லை.ஷுப்மன் கில் மூன்று டெஸ்ட் டவுன் அண்டரில் விளையாடியதால், அவர் ஆண்டு ஒப்பந்த பட்டியலில் சேர்க்கப்பட்டார்.

நடராஜன் இந்த ஆண்டு மேலும் இரண்டு டெஸ்ட் போட்டிகளில் அல்லது 2021 செப்டம்பர் மாதத்திற்கு முன்பு ஆறு ஒருநாள் போட்டி  அல்லது ஆறு  20 ஓவர்  போட்டிகளில் விளையாடினால் அவர் ஆண்டு ஒப்பந்த பட்டியலில் சேர்க்கப்படுவார். இருப்பினும், அவருக்கு முழுத் தொகையும் வழங்கப்படமாட்டாது.

சூர்யகுமார் யாதவ் மற்றும் கிருணல் பாண்ட்யா போன்ற வீரர்களும் இடம் கண்டுபிடிக்கவில்லை, ஆனால் அவர்கள் வாரியத்தால் நிர்ணயிக்கப்பட்ட விளையாட்டுகளின் எண்ணிக்கையை விளையாடினால் அவர்களும் ஒப்பந்தபட்டியலில் சேருவார்கள்.

தொடர்புடைய செய்திகள்

1. ஐபிஎல் வீரர்களுக்கு கொரோனா;அது எப்படி நடந்தது என்று சொல்வது மிகவும் கடினம் -பிசிசிஐ தலைவர் கங்குலி
ஐபிஎல் போட்டியை இந்தியாவில் நடத்த முயன்றது தவறல்ல என்று பிசிசிஐ தலைவர் கங்குலி கூறியுள்ளார்.
2. ஆஸ்திரேலிய முன்னாள் கிரிக்கெட் வீரர் துப்பாக்கி முனையில் கடத்தி தாக்குதல் ; 4 பேர் கைது
பணத்துக்காக ஆஸ்திரேலிய முன்னாள் கிரிக்கெட் வீரர் துப்பாக்கி முனையில் கடத்தபட்டார். பின்னர் அவர் விடுவிக்கபட்டார் இது தொடர்பாக 4 பேர் கைது செய்யப்பட்டு உள்ளனர்.
3. பாகிஸ்தான் அறிமுக வீரர் வீசிய பவுன்ஸரில் ஜிம்பாப்வே பேட்ஸ்மேனின் ஹெல்மெட் இரண்டாக உடைந்தது
பாகிஸ்தான் அறிமுக வீரர் வீசிய அதிவேக பவுன்ஸரில் ஜிம்பாப்வே பேட்ஸ்மேனின் ஹெல்மெட் இரண்டாக உடைந்தது.
4. சூதாட்டம்: ஜிம்பாப்வே அணியின் முன்னாள் கேப்டனுக்கு 8 ஆண்டுகள் கிரிக்கெட் விளையாடத் தடை
ஜிம்பாப்வே அணியின் முன்னாள் கேப்டனும், வேகப்பந்துவீச்சாளருமான ஹீத் ஸ்ட்ரீக், 8 ஆண்டுகள் எந்தவிதமான கிரிக்கெட் போட்டிகளில் பங்கேற்கவும், விளையாடவும் தடை விதித்து ஐசிசி உத்தரவிட்டுள்ளது.
5. பாகிஸ்தானை விட ஐபிஎல் முக்கியமா, இதுபோன்ற விஷயங்கள் நல்லதல்ல - ஷாகித் அப்ரிடி கண்டனம்
பாகிஸ்தானுடன் கிரிக்கெட் தொடர்ந்து நடந்து கொண்டிருக்கும்போதே பாதியிலேயே வீரர்களை ஐபிஎல் தொடருக்கு அனுப்புவது வியப்பாக இருக்கிறது என தென் ஆப்பிரிக்க வாரியத்துக்கு பாகிஸ்தான் முன்னாள் கேப்டன் ஷாகித் அப்ரிடி கேள்வி எழுப்பியுள்ளார்.