கொல்கத்தாவை வீழ்த்தியது ராஜஸ்தான்: பவுலா்களுக்கு சஞ்சு சாம்சன் பாராட்டு

 இதில் முதலில் பேட் செய்த கொல்கத்தா 9 விக்கெட்டுக்கு 133 ரன்கள் எடுக்க, இந்த இலக்கை ராஜஸ்தான் 18.5 ஓவர்களில் எட்டிப்பிடித்தது. 4 விக்கெட் கைப்பற்றிய ராஜஸ்தான் வேகப்பந்து வீச்சாளர் கிறிஸ் மோரிஸ் ஆட்டநாயகன் விருது பெற்றார்.வெற்றிக்கு பிறகு ராஜஸ்தான் கேப்டன் சஞ்சு சாம்சன் கூறுகையில், ‘இது ஒரு அற்புதமான செயல்பாடு. கடந்த 4-5 ஆட்டங்களாக எங்களது பந்து வீச்சாளர்கள் சிறப்பாக பந்து வீசி வருகிறார்கள். இளம் பவுலர் சேத்தன் சகாரியா வித்தியாசமான ஒரு வீரர். பதற்றமில்லாமல் செயல்படக்கூடியவர். இது ராஜஸ்தானுக்கு சாதகமான ஒரு அம்சமாகும். வருங்காலத்தில் அவர் நிறைய ஆட்டங்களில் வெற்றி தேடித்தருவார் என்று நம்புகிறேன்’ என்றார்.