கிரிக்கெட்

ஐ.பி.எல். கிரிக்கெட்: மும்பை அணியை சமாளிக்குமா ஐதராபாத்? + "||" + IPL Cricket: Will Hyderabad beat Mumbai?

ஐ.பி.எல். கிரிக்கெட்: மும்பை அணியை சமாளிக்குமா ஐதராபாத்?

ஐ.பி.எல். கிரிக்கெட்: மும்பை அணியை சமாளிக்குமா ஐதராபாத்?
5 முறை சாம்பியனான மும்பை இந்தியன்ஸ் அணி தனது தொடக்க லீக் ஆட்டத்தில் 2 விக்கெட் வித்தியாசத்தில் பெங்களூரு ராயல் சேலஞ்சர்சிடம் வீழ்ந்தது.
அடுத்த 2 ஆட்டங்களில் கொல்கத்தா நைட் ரைடர்ஸ், ஐதராபாத் சன்ரைசர்ஸ் அணிகளை வீழ்த்தியது. அதன் பிறகு டெல்லி கேப்பிட்டல்ஸ், பஞ்சாப் கிங்ஸ் அணிகளிடம் அடுத்தடுத்து பணிந்தது. சென்னை மைதானத்தில் தடுமாறிய மும்பை அணி டெல்லி ஆடுகளத்தில் தொடர்ச்சியாக 2 வெற்றிகளை 
ருசித்து கம்பீரம் கண்டுள்ளது. டெல்லியில் நடந்த முந்தைய 2 லீக் ஆட்டங்களில் அந்த அணி 7 விக்கெட் வித்தியாசத்தில் ராஜஸ்தான் ராயல்சையும், 4 விக்கெட் வித்தியாசத்தில் வலுவான சென்னை சூப்பர் கிங்சையும் அடுத்தடுத்து சாய்த்து அசத்தி இருக்கிறது. சென்னைக்கு எதிரான ஆட்டத்தில் 219 ரன் இலக்கை மும்பை அணி கடைசி பந்தில் விரட்டி பிடித்து கலக்கியது. அந்த அணியின் வீரர் பொல்லார்ட் கடைசி வரை களத்தில் நிலைத்து நின்று 34 பந்துகளில் 87 ரன்கள் குவித்து அணியின் வெற்றியில் முக்கிய பங்கு வகித்தார். ஆனால் இந்த ஆட்டத்தில் மும்பை அணியின் பந்து வீச்சு மெச்சும் வகையில் இல்லை. வேகப்பந்து வீச்சாளர்கள் பும்ரா 56 ரன்னும், தவால் குல்கர்னி 48 ரன்னும், டிரென்ட் பவுல்ட் 42 ரன்னும் வாரி வழங்கினார்கள். அத்துடன் பவர்பிளேயில் (முதல் 6 ஓவரில்) மும்பை அணியின் பந்து வீச்சு பாராட்டத்தக்கதாக அமையவில்லை. பவர்பிளேயில் இதுவரை அந்த அணி பவுலர்கள் 4 விக்கெட்டுகளை மட்டுமே வீழ்த்தி இருக்கிறார்கள். அதில் மும்பை அணி ஏற்றம் காண வேண்டியது அவசியமானதாகும்.

ஐதராபாத் சன்ரைசர்ஸ் அணி இதுவரை 7 ஆட்டங்களில் ஆடி ஒரு வெற்றி (பஞ்சாப் கிங்ஸ்க்கு எதிராக) 6 தோல்வி கண்டு கடைசி இடத்தில் தத்தளித்து வருகிறது. முதல் 6 ஆட்டங்களில் 5-ல் தோல்வியை தழுவியதை தொடர்ந்து அதிரடியாக கேப்டன் பொறுப்பில் இருந்து டேவிட் வார்னர் நீக்கப்பட்டு கேன் வில்லியம்சன் புதிய கேப்டனாக நியமிக்கப்பட்டார். அத்துடன் கடந்த ஆட்டத்தில் டேவிட் வார்னர் அணியில் இருந்தும் கழற்றி விடப்பட்டார். ஆனாலும் அந்த அணிக்கு எதிர்பார்த்த முடிவு உடனடியாக கிடைக்கவில்லை. முந்தைய லீக் ஆட்டத்தில் புதிய கேப்டன்ஷிப்பில் அந்த அணி 55 ரன் வித்தியாசத்தில் ராஜஸ்தான் ராயல்ஸ் அணியிடம் வீழ்ந்தது. ஐதராபாத் அணியின் பேட்டிங்கில் பேர்ஸ்டோவும், மனிஷ் பாண்டேவும், பவுலிங்கில் ரஷித் கானும் சிறப்பாக செயல்பட்டு வருகிறார்கள். 

மற்ற வீரர்கள் சோபிக்காததால் அந்த அணி எழுச்சி பெற முடியாமல் திணறுகிறது. இன்றைய ஆட்டத்தில் டேவிட் வார்னர் அணிக்கு திரும்புவாரா? என்பது உறுதியாக தெரியவில்லை.இவ்விரு அணிகளும் ஏற்கனவே சந்தித்த லீக் ஆட்டத்தில் மும்பை அணி 13 ரன்கள் வித்தியாசத்தில் ஐதராபாத்தை தோற்கடித்தது. அந்த தோல்விக்கு பதிலடி கொடுக்க ஐதராபாத் அணி முனைப்பு காட்டும். அதேநேரத்தில் வலுவான மும்பை அணிக்கு எதிராக பேட்டிங் மற்றும் பந்து வீச்சில் ஒருசேர கச்சிதமாக செயல்பட்டால் மட்டுமே ஐதராபாத் அணியால் ஈடுகொடுக்க முடியும். இந்த ஆட்டத்தில் மீண்டும் மும்பை அணியின் கை ஓங்கவே அதிக வாய்ப்பு இருப்பதாக எதிர்பார்க்கப்படுகிறது.

(குறிப்பு: நேரடி ஒளிபரப்பு ஸ்டார் ஸ்போர்ட்ஸ்)

தொடர்புடைய செய்திகள்

1. இங்கிலாந்து டெஸ்ட் தொடரில் இருந்து டிரென்ட் பவுல்ட் விலகல்?
ஐ.பி.எல். கிரிக்கெட்டில் ஆடிய நியூசிலாந்து வீரர்களில் கேன் வில்லியம்சன் உள்பட 4 பேர் டெஸ்ட் தொடரில் விளையாடுவதற்காக வருகிற 11-ந்தேதி டெல்லியில் இருந்து நேரடியாக இங்கிலாந்துக்கு கிளம்புகிறார்கள்.
2. ஐ.பி.எல். கிரிக்கெட் போட்டியை நடத்த விரும்பும் கவுண்டி அணிகள்
பாதியிலேயே தள்ளிவைக்கப்பட்டு உள்ள ஐ.பி.எல். கிரிக்கெட்டில் எஞ்சிய ஆட்டங்களை நடத்த இங்கிலாந்தில் உள்ள கவுண்டி அணிகள் முன்வந்துள்ளன.
3. ஐ.பி.எல். கிரிக்கெட் போட்டியில் பங்கேற்ற விருத்திமான் சஹா, அமித் மிஸ்ரா கொரோனாவால் பாதிப்பு
ஐ.பி.எல். கிரிக்கெட் போட்டியில் பங்கேற்ற ஐதராபாத் அணியின் விக்கெட் கீப்பர் விருத்திமான் சஹா, டெல்லி கேப்பிட்டல்ஸ் அணியின் சுழற்பந்து வீச்சாளர் அமித் மிஸ்ரா ஆகியோரும் கொரோனாவால் பாதிக்கப்பட்டுள்ளனர்.
4. ஐ.பி.எல். கிரிக்கெட்: டெல்லி கேப்பிட்டல்ஸ் அணிக்கு 167 ரன்கள் இலக்கு
டெல்லி கேப்பிட்டல்ஸ் அணிக்கு எதிரான ஆட்டத்தில் முதலில் பேட்டிங் செய்த பஞ்சாப் அணி 166 ரன்கள் எடுத்துள்ளது.
5. ஐ.பி.எல். கிரிக்கெட்: ராஜஸ்தான் ராயல்ஸ் அணி 55 ரன்கள் வித்தியாசத்தில் வெற்றி
ஐதராபாத் அணிக்கு எதிரான இன்றைய ஆட்டத்தில் ராஜஸ்தான் ராயல்ஸ் அணி 55 ரன்கள் வித்தியாசத்தில் வெற்றி பெற்றுள்ளது.