கிரிக்கெட்

ஐ.பி.எல். கிரிக்கெட் போட்டியை நடத்த விரும்பும் கவுண்டி அணிகள் + "||" + England counties keen to host remaining IPL 2021 matches in September, proposal to be sent to BCCI

ஐ.பி.எல். கிரிக்கெட் போட்டியை நடத்த விரும்பும் கவுண்டி அணிகள்

ஐ.பி.எல். கிரிக்கெட் போட்டியை நடத்த விரும்பும் கவுண்டி அணிகள்
பாதியிலேயே தள்ளிவைக்கப்பட்டு உள்ள ஐ.பி.எல். கிரிக்கெட்டில் எஞ்சிய ஆட்டங்களை நடத்த இங்கிலாந்தில் உள்ள கவுண்டி அணிகள் முன்வந்துள்ளன.

 எம்.சி.சி. சர்ரே, வார்விக்‌ஷைர், லங்காஷைர் ஆகிய கவுண்டி அணி நிர்வாகங்கள் இங்கிலாந்து கிரிக்கெட் வாரியத்திற்கு கடிதம் எழுதியுள்ளன. அதில் ஐ.பி.எல். போட்டியை நடத்த இந்திய கிரிக்கெட் வாரியத்திற்கு அழைப்பு விடுக்கும்படி கோரிக்கை விடுத்துள்ளன. செப்டம்பர் மாதத்தின் பிற்பகுதியில் 2 வாரத்திற்குள் போட்டியை நடத்தி முடிக்கலாம் என்றும், ரசிகர்கள் கூட வர வாய்ப்புள்ளது என்றும் கவுண்டி நிர்வாகங்கள் கூறியுள்ளன. ஆனால் இதில் நடைமுறை சிக்கல் நிறைய உள்ளன. குறிப்பாக இந்திய அணியின் இங்கிலாந்துக்கு எதிரான டெஸ்ட் கிரிக்கெட் தொடர் செப்டம்பர் 14-ந்தேதி நிறைவடைகிறது. அதன் பிறகு இங்கிலாந்து அணி, வங்காளதேசம் மற்றும் பாகிஸ்தானுக்கு சென்று குறுகிய வடிவிலான போட்டிகளில் விளையாட திட்டமிட்டுள்ளது. மற்ற சர்வதேச அணிகளுக்கும் அந்த சமயத்தில் போட்டிகள் உள்ளன. அத்துடன் கொரோனா தனிமைப்படுத்துதல் நடைமுறை வேறு இருக்கிறது. என்றாலும் ஐ.பி.எல். போட்டிக்கு ஏற்ப சில மாற்றங்களை செய்து 2 வாரத்தில் போட்டியை நடத்தும் வாய்ப்பை உருவாக்க முடியும் என்று கவுண்டி அணிகள் நம்பிக்கை தெரிவித்துள்ளன.


தொடர்புடைய செய்திகள்

1. இங்கிலாந்து டெஸ்ட் தொடரில் இருந்து டிரென்ட் பவுல்ட் விலகல்?
ஐ.பி.எல். கிரிக்கெட்டில் ஆடிய நியூசிலாந்து வீரர்களில் கேன் வில்லியம்சன் உள்பட 4 பேர் டெஸ்ட் தொடரில் விளையாடுவதற்காக வருகிற 11-ந்தேதி டெல்லியில் இருந்து நேரடியாக இங்கிலாந்துக்கு கிளம்புகிறார்கள்.
2. ஐ.பி.எல். கிரிக்கெட் போட்டியில் பங்கேற்ற விருத்திமான் சஹா, அமித் மிஸ்ரா கொரோனாவால் பாதிப்பு
ஐ.பி.எல். கிரிக்கெட் போட்டியில் பங்கேற்ற ஐதராபாத் அணியின் விக்கெட் கீப்பர் விருத்திமான் சஹா, டெல்லி கேப்பிட்டல்ஸ் அணியின் சுழற்பந்து வீச்சாளர் அமித் மிஸ்ரா ஆகியோரும் கொரோனாவால் பாதிக்கப்பட்டுள்ளனர்.
3. ஐ.பி.எல். கிரிக்கெட்: மும்பை அணியை சமாளிக்குமா ஐதராபாத்?
5 முறை சாம்பியனான மும்பை இந்தியன்ஸ் அணி தனது தொடக்க லீக் ஆட்டத்தில் 2 விக்கெட் வித்தியாசத்தில் பெங்களூரு ராயல் சேலஞ்சர்சிடம் வீழ்ந்தது.
4. ஐ.பி.எல். கிரிக்கெட்: டெல்லி கேப்பிட்டல்ஸ் அணிக்கு 167 ரன்கள் இலக்கு
டெல்லி கேப்பிட்டல்ஸ் அணிக்கு எதிரான ஆட்டத்தில் முதலில் பேட்டிங் செய்த பஞ்சாப் அணி 166 ரன்கள் எடுத்துள்ளது.
5. ஐ.பி.எல். கிரிக்கெட்: ராஜஸ்தான் ராயல்ஸ் அணி 55 ரன்கள் வித்தியாசத்தில் வெற்றி
ஐதராபாத் அணிக்கு எதிரான இன்றைய ஆட்டத்தில் ராஜஸ்தான் ராயல்ஸ் அணி 55 ரன்கள் வித்தியாசத்தில் வெற்றி பெற்றுள்ளது.