இங்கிலாந்து டெஸ்ட் தொடரில் இருந்து டிரென்ட் பவுல்ட் விலகல்?

மற்ற நியூசிலாந்து வீரர்கள் இன்று தாயகம் புறப்படுகிறார்கள். மும்பை அணிக்காக ஆடிய நியூசிலாந்து வேகப்பந்து வீச்சாளர் டிரென்ட் பவுல்ட் சொந்த நாட்டில் 2 வாரம் தனிமைப்படுத்துதலை முடித்து குடும்பத்தினருடன் ஒரு வாரம் தங்கியிருக்க நியூசிலாந்து கிரிக்கெட் வாரியம் அனுமதி அளித்துள்ளது. இதனால் அடுத்த மாதம் 2-ந்தேதி லண்டன் லார்ட்சில் தொடங்கும் இங்கிலாந்துக்கு எதிரான 2 போட்டி கொண்ட டெஸ்ட் தொடரில் அவர் விளையாடமாட்டார் என்று தெரிகிறது. ஆனால் சவுத்தம்டனில் ஜூன் 18-ந்தேதி தொடங்கும் இந்தியாவுக்கு எதிரான உலக டெஸ்ட் சாம்பியன்ஷிப் இறுதி ஆட்டத்தில் அவர் நிச்சயம் ஆடுவார் என்று நியூசிலாந்து கிரிக்கெட் வாரியம் தெரிவித்துள்ளது.