கிரிக்கெட்

பாதுகாப்பான சூழல் இல்லாவிட்டால் 20 ஓவர் உலக கோப்பை கிரிக்கெட் போட்டியை இந்தியாவில் நடத்தக்கூடாது; கம்மின்ஸ் பேட்டி + "||" + The 20-over World Cup cricket tournament should not be held in India without a safe environment; Cummins

பாதுகாப்பான சூழல் இல்லாவிட்டால் 20 ஓவர் உலக கோப்பை கிரிக்கெட் போட்டியை இந்தியாவில் நடத்தக்கூடாது; கம்மின்ஸ் பேட்டி

பாதுகாப்பான சூழல் இல்லாவிட்டால் 20 ஓவர் உலக கோப்பை கிரிக்கெட் போட்டியை இந்தியாவில் நடத்தக்கூடாது; கம்மின்ஸ் பேட்டி
கொரோனா அச்சுறுத்தலால் ஐ.பி.எல். கிரிக்கெட் போட்டி பாதியிலேயே காலவரையின்றி தள்ளிவைக்கப்பட்ட நிலையில் இந்தியாவில் அக்டோபர்-நவம்பர் மாதங்களில் 7-வது 20 ஓவர் உலக கோப்பை கிரிக்கெட்போட்டி திட்டமிட்டபடி நடக்குமா? என்ற சந்தேகம் எழுந்துள்ளது.

அந்த சமயத்தில் கொரோனா 3-வது அலை தாக்கக்ககூடும் என்று கணிக்கப்பட்டு இருப்பதால் இந்த போட்டி ஐக்கிய அரபு அமீரகத்துக்கு மாற்றப்பட வாய்ப்புள்ளது.

இந்த விவகாரம் குறித்து ஆஸ்திரேலிய அணியின் வேகப்பந்து வீச்சாளரும், ஐ.பி.எல். கிரிக்கெட்டில் கொல்கத்தா நைட் ரைடர்ஸ் அணிக்காக விளையாடுபவருமான பேட் கம்மின்ஸ் நேற்று அளித்த ஒரு பேட்டியில், ‘இந்தியாவில் 20 ஓவர் உலக கோப்பை போட்டியை நடத்துவது பாதுகாப்பானதாக இருக்காது என்றால், இங்கு நடத்தாமல் இருப்பதே நல்லது. அது தொடர்பான கேள்விக்கு தான் முதலில் பதில் அளிக்கப்பட வேண்டும். இருப்பினும் உலக கோப்பை கிரிக்கெட் போட்டிக்கு இன்னும் 6 மாதங்கள் இருப்பதால் அது குறித்து இப்போதே பேசுவது நன்றாக இருக்காது. இந்திய கிரிக்கெட் வாரிய நிர்வாகிகள், மத்திய அரசுடன் கலந்து ஆலோசித்து மக்களுக்கு எது நல்லதோ அதை செய்ய வேண்டும்.

கடந்த ஆண்டு ஐ.பி.எல். கிரிக்கெட் போட்டி ஐக்கிய அரபு அமீரகத்தில் வெற்றிகரமாக நடத்தப்பட்டது. ஆனால் லட்சக்கணக்கான மக்கள் இந்த போட்டியை இந்தியாவில் நடத்தியிருக்க வேண்டும் என்று கூறினார்கள். எனவே நீங்கள் என்ன செய்ய முடியும்? இரு தரப்பினரையும் பார்க்கவேண்டி உள்ளது. இந்த தொடரை பொறுத்தவரை பலதரப்பு ஆலோசனைகளை கேட்டு சரியான முடிவை கிரிக்கெட் வாரியம் மேற்கொள்ள வேண்டும்’ என்றார்.


தொடர்புடைய செய்திகள்

1. ஐ.பி.எல் கிரிக்கெட்: 69 ரன்கள் வித்தியாசத்தில் சென்னை சூப்பர் கிங்ஸ் அணி அபார வெற்றி
ஐ.பி.எல் கிரிக்கெட் போட்டியில் பெங்களூருக்கு எதிரான ஆட்டத்தில் 69 ரன்கள் வித்தியாசத்தில் சென்னை சூப்பர் கிங்ஸ் அபார வெற்றி பெற்றது.
2. ஐ.பி.எல் கிரிக்கெட் : டெல்லி அணிக்கு எதிரான ஆட்டத்தில் டாஸ் வென்ற மும்பை அணி பேட்டிங் தேர்வு
ஐ.பி.எல் கிரிக்கெட் போட்டியில் டெல்லி அணிக்கு எதிரான ஆட்டத்தில் டாஸ் வென்ற மும்பை அணி கேப்டன் ரோகித் ஷர்மா பேட்டிகை தேர்வு செய்துள்ளார்.
3. ஐ.பி.எல். கிரிக்கெட்: மும்பை இந்தியன்ஸ் முதல் வெற்றி; கொல்கத்தாவை சாய்த்தது
ஐ.பி.எல். கிரிக்கெட்டில் கொல்கத்தாவை வீழ்த்தி மும்பை அணி முதலாவது வெற்றியை பதிவு செய்தது.
4. ஐ.பி.எல். நடக்கும் போது சர்வதேச கிரிக்கெட் வேண்டாம்; பீட்டர்சன் வலியுறுத்தல்
இங்கிலாந்தை சேர்ந்த முன்னணி கிரிக்கெட் வீரர்கள் மோர்கன், பென் ஸ்டோக்ஸ், ஜோஸ் பட்லர், ஜோப்ரா ஆர்ச்சர், டேவிட் மலான், ஜாசன் ராய், பேர்ஸ்டோ, கிறிஸ் ஜோர்டான், சாம் கர்ரன், கிறிஸ் வோக்ஸ் உள்ளிட்டோர் ஐ.பி.எல். தொடரில் விளையாட உள்ளனர்.