கிரிக்கெட்

“வீட்டில் பலரும் கொரோனாவில் சிக்கியதால் மிகுந்த மன உளைச்சலுக்கு ஆளானேன்” - அஸ்வின் உருக்கம் + "||" + Aswin said he was very depressed because of his family affected by corona

“வீட்டில் பலரும் கொரோனாவில் சிக்கியதால் மிகுந்த மன உளைச்சலுக்கு ஆளானேன்” - அஸ்வின் உருக்கம்

“வீட்டில் பலரும் கொரோனாவில் சிக்கியதால் மிகுந்த மன உளைச்சலுக்கு ஆளானேன்” - அஸ்வின் உருக்கம்
குடும்பத்தினரை கொரோனா பாதித்ததால் 9 நாட்கள் தூக்கமின்றி தவித்ததாக, ஐ.பி.எல். போட்டியில் இருந்து விலகியது குறித்து அஸ்வின் உருக்கமாக தெரிவித்துள்ளார்.
மும்பை,

14-வது ஐ.பி.எல். கிரிக்கெட் போட்டியில் டெல்லி கேப்பிட்டல்ஸ் அணிக்காக பங்கேற்ற சுழற்பந்து வீச்சாளர் ஆர்.அஸ்வின் பாதியில் விலகினார். தனது குடும்பத்தினர் சிலருக்கு கொரோனா பாதிப்பு ஏற்பட்டதால் அவர்களை கவனிப்பதற்காக வீடு திரும்ப நேரிட்டது. 

இந்த நிலையில் தற்போது இங்கிலாந்து பயணத்துக்காக மும்பை ஓட்டலில் தனிமைப்படுத்தப்பட்டுள்ள 34 வயதான அஸ்வின், ஐ.பி.எல்.-ல் இருந்து விலகியது குறித்து யூடியூப் சேனலுக்கு அளித்த பேட்டியில் கூறியதாவது:-

“எனது குடும்பத்தில் ஏறக்குறைய அனைவருக்கும் கொரோனா தொற்று ஏற்பட்டது. அதில் சில நெருங்கிய உறவினர்கள் மிகவும் ஆபத்தான நிலையில் ஆஸ்பத்திரியில் அனுமதிக்கப்பட்டிருந்தனர். ஆனால் எப்படியோ அவர்கள் குணமடைந்து விட்டனர்.

வீட்டில் பலரும் கொரோனாவில் சிக்கியதால் மிகுந்த மன உளைச்சலுக்கு ஆளானேன். இதனால் ஐ.பி.எல். தொடரின் போது 8-9 நாட்கள் நான் சரியாக தூங்கவில்லை. தூக்கமின்றிதான் போட்டிகளில் விளையாடினேன். தொடர்ந்து மன அழுத்தத்தில் இருந்ததால் ஒரு கட்டத்தில் ஐ.பி.எல். போட்டியில் இருந்து விலகும் முடிவுக்கு வந்தேன். வீடு திரும்பும் போது, இனிமேல் என்னால் கிரிக்கெட் விளையாட முடியுமா என்று கூட தோன்றியது. இருப்பினும் அந்த சமயத்தில் என்ன தேவையோ அதைத் தான் செய்தேன். இதற்கு இடையே எனது குடும்ப உறுப்பினர்கள் கொரோனாவில் இருந்து மீள தொடங்கிய போது, மீண்டும் ஐ.பி.எல்.போட்டியில் ஆடலாமா என்று யோசித்தேன். ஆனால் அதற்குள் ஐ.பி.எல். அணிகளிலும் பல வீரர்கள் கொரோனாவால் பாதிக்கப்பட்டு ஐ.பி.எல். தள்ளிவைக்கப்பட்டு விட்டது.

நான் கொரோனா தடுப்பூசியின் இரண்டு டோஸ்களையும் செலுத்திக் கொண்டேன். தயவு செய்து அனைவரும் தடுப்பூசி போட்டுக் கொள்ளுங்கள். கொரோனாவில் இருந்து தப்பிக்க தடுப்பூசி மட்டுமே ஒரே வழி.”

இவ்வாறு அஸ்வின் கூறினார்.

தங்களது குடும்பத்தில் ஒரே வாரத்தில் 6 பெரியவர்களும், 4 குழந்தைகளும் கொரோனாவினால் பாதிக்கப்பட்டதாக ஏற்கனவே அஸ்வினின் மனைவி பிரீத்தி தெரிவித்து இருந்தது குறிப்பிடத்தக்கது.

தொடர்புடைய செய்திகள்

1. அசாமில் கடந்த 24 மணி நேரத்தில் 5,436 பேருக்கு கொரோனா
அசாம் மாநிலத்தில் தற்போது 53,317 பேர் கொரோனாவிற்கு சிகிச்சை பெற்று வருவதாக தெரிவிக்கப்பட்டுள்ளது.
2. அசாமில் கடந்த 24 மணி நேரத்தில் 5,704 பேருக்கு கொரோனா
அசாம் மாநிலத்தில் தற்போது 53,721 பேர் கொரோனாவிற்கு சிகிச்சை பெற்று வருவதாக தெரிவிக்கப்பட்டுள்ளது.
3. கோவாவில் கடந்த 24 மணி நேரத்தில் 1,504 பேருக்கு கொரோனா
கோவாவில் தற்போது 15,699 பேர் கொரோனாவிற்கு சிகிச்சை பெற்று வருவதாக தெரிவிக்கப்பட்டுள்ளது.
4. புதுச்சேரியில் கொரோனாவால் பாதிக்கப்பட்டோர் எண்ணிக்கை 1 லட்சத்தை கடந்தது
புதுச்சேரியில் கடந்த 24 மணி நேரத்தில் புதிதாக 1,137 பேருக்கு கொரோனா பாதிப்பு உறுதி செய்யப்பட்டுள்ளது.
5. கொரோனாவை ஒழிப்பதற்காக தெருவில் அக்னி ஹோமம் நடத்திய கர்நாடக பா.ஜனதா எம்.எல்.ஏ
கொரோனாவை ஒழிப்பதற்காக பா.ஜனதா எம்.எல்.ஏ. அபய் பட்டீல் தெருவில் அக்னி ஹோமம் நடத்தினார்.