கிரிக்கெட்

இனவெறி சர்ச்சை:இங்கிலாந்து கிரிக்கெட் வீரருக்கு 8 போட்டிகளில் விளையாட தடை + "||" + England fast bowler Ollie Robinson gets 8-match ban for historical racist tweets

இனவெறி சர்ச்சை:இங்கிலாந்து கிரிக்கெட் வீரருக்கு 8 போட்டிகளில் விளையாட தடை

இனவெறி சர்ச்சை:இங்கிலாந்து கிரிக்கெட் வீரருக்கு  8 போட்டிகளில் விளையாட தடை
இனவெறி சர்ச்சை குறித்த விவகாரத்தில் இங்கிலாந்து கிரிக்கெட் அணியின் வேகப்பந்து வீச்சாளர் ஒல்லி ராபின்சனுக்கு 8 போட்டிகளில் விளையாட தடை விதிக்கப்பட்டுள்ளது.
லண்டன்

இங்கிலாந்து கிரிக்கெட் அணியின் வேகப்பந்து வீச்சாளர் ஒல்லி ராபின்சன். இவர் நியூசிலாந்துக்கு எதிரான டெஸ்ட் தொடரில் அறிமுக வீரராக களமிறங்கினார். 7 விக்கெட்டுகள் வீழ்த்திய இவர், முதல் இன்னிங்சில் 42 ரன்கள் எடுத்தார். இதையடுத்து அவருக்கு பாராட்டுகள் குவிந்தன. இந்நிலையில் 8 வருடங்களுக்கு முன் அவர் டுவிட்டரில் இனவெறி தொடர்பாக சர்ச்சைக்குரிய டுவீட்களை வெளியிட்டு இருந்தார். அந்த டுவீட்களுக்கு இப்போது பலர் கண்டனங்களை தெரிவித்தனர். இதை தொடர்ந்து அவரை அணியில் இருந்து நீக்க வேண்டும் என்றும் கோரிக்கை எழுந்தது.

இந்நிலையில், தனது அப்போதைய டுவீட்களுக்கு அவர் நிபந்தனையற்ற மன்னிப்புக் கேட்டார். இருந்தும் அவர் மீது இங்கிலாந்து கிரிக்கெட் வாரியம் நடவடிக்கை எடுத்தது. சர்வதேச கிரிக்கெட் போட்டியில் இருந்து இடைநீக்கம் செய்யப்பட்ட அவர், அணியில் இருந்து விடுவிக்கப்பட்டார். இங்கிலாந்து கிரிக்கெட் வாரிய ஒழுங்கு நடவடிக்கை குழு இந்த பிரச்சினை குறித்து விசாரணை நடத்தி வந்தது.

இந்நிலையில் அவருக்கு 8 போட்டிகளில்  விளையாட தடை விதித்து ஒழுங்கு நடவடிக்கைக் குழு உத்தரவிட்டுள்ளது. மேலும் சுமார் ரூ.33  அபராதம் விதிக்கப்பட்டுள்ளது. இந்த 8 போட்டிகள் தடையில், 5 போட்டிகளுக்கான தடையை அடுத்த 2 வருடங்களுக்கு விதிக்க முடியாது.

அவர் நியூசிலாந்துக்கு எதிரான ஒரு டெஸ்ட் போட்டியில் விளையாடாதது, விடாலிடி பிளாஸ்ட் 20 ஓவர்கள் போட்டிகளை கணக்கில் எடுத்துக்கொண்ட ஒழுங்கு நடவடிக்கைக் குழு, உடனடியாக சர்வேதச போட்டிகளில் விளையாட அனுமதியளித்துள்ளது. இதனால், இந்தியாவுக்கு எதிரான போட்டியில் அவர் விளையாடுகிறார்.


தொடர்புடைய செய்திகள்

1. 20 ஓவர் உலக கோப்பை:பாகிஸ்தான் இந்தியாவை வீழ்த்தினால் பிளாங்க் "செக்" ரெடி - ரமீஸ் ராஜா
பாகிஸ்தான் கிரிக்கெட் வாரிய செனட் நிலைக்குழுவுடனான சந்திப்பில் கிரிக்கெட் வாரிய தலைவர் ரமீஸ் ராஜா கலந்து கொண்டார்.
2. மைதானத்தில் காதலை சொன்ன சென்னை அணி வீரர்...? யார் இந்த ஜெயா பரத்வாஜ் ...?
தீபக் ஏற்கனவே இந்த ஆண்டு தொடக்கத்தில் ஜெயாவை தனது இந்திய அணியினர் மற்றும் சென்னை அணியினருக்கு அறிமுகப்படுத்தியிருந்தார்.
3. கோவிஷீல்டு தடுப்பூசி போட்ட இந்தியர்களுக்கு தனிமைப்படுத்தல் இல்லை - இங்கிலாந்து
கோவிஷீல்டு தடுப்பூசி போட்ட இந்தியர்களுக்கு தனிமைப்படுத்தல் இல்லை என்று இங்கிலாந்து அறிவித்துள்ளது.
4. பாகிஸ்தான் கிரிக்கெட் அணி தலைமை செயல் அதிகாரி வாசிம் கான் ராஜினாமா
வாசிம் கான் கடந்த 2019ல் இசான் மணியால் இவர் பாகிஸ்தான் கிரிக்கெட் அணிக்கு தலைமை செயல் அதிகாரியாக நியமிக்கப்பட்டார்.
5. இந்தோ-பசிபிக் பகுதிக்கு புதிய பாதுகாப்பு கூட்டாண்மை அறிவிப்பு!
அமெரிக்கா, இங்கிலாந்து மற்றும் ஆஸ்திரேலியா நாடுகள் இணைந்து இந்தோ-பசிபிக் பகுதிக்கு புதிய பாதுகாப்பு கூட்டாண்மையை அறிவித்துள்ளது.