கிரிக்கெட்

ஒரு நாள் கிரிக்கெட்டில் தென்ஆப்பிரிக்காவுக்கு அதிர்ச்சி அளித்தது அயர்லாந்து + "||" + One day in cricket Ireland shocked South Africa

ஒரு நாள் கிரிக்கெட்டில் தென்ஆப்பிரிக்காவுக்கு அதிர்ச்சி அளித்தது அயர்லாந்து

ஒரு நாள் கிரிக்கெட்டில் தென்ஆப்பிரிக்காவுக்கு அதிர்ச்சி அளித்தது அயர்லாந்து
ஒரு நாள் கிரிக்கெட்டில் தென்ஆப்பிரிக்காவை அயர்லாந்து வீழ்த்தியது.
டப்ளின்,

அயர்லாந்துக்கு சென்றுள்ள பவுமா தலைமையிலான தென்ஆப்பிரிக்க கிரிக்கெட் அணி 3 போட்டிகள் கொண்ட ஒரு நாள் தொடரில் பங்கேற்றுள்ளது. முதலாவது ஆட்டம் மழையால் பாதியில் ரத்தானது. 2-வது ஒரு நாள் போட்டி டப்ளின் நகரில் நடந்தது. இதில் முதலில் பேட் செய்த அயர்லாந்து 5 விக்கெட்டுக்கு 290 ரன்கள் சேர்த்தது. கேப்டன் ஆன்டி பால்பிர்னி சதமும் (102 ரன், 10 பவுண்டரி, 2 சிக்சர்), ஹாரி டெக்டர் அரைசதமும் (79 ரன், 6 பவுண்டரி, 4 சிக்சர்) அடித்தனர். 

பின்னர் 291 ரன்கள் இலக்கை நோக்கி ஆடிய தென்ஆப்பிரிக்க அணியில் ஜானிமன் மலான் (84 ரன்), வான்டெர் துஸ்சென் (49 ரன்) தவிர மற்றவர்கள் சொற்ப ரன்களில் வீழ்ந்தனர். முடிவில் அந்த அணி 48.3 ஓவர்களில் 247 ரன்களுக்கு ஆல்-அவுட் ஆனது. இதன் மூலம் அயர்லாந்து 43 ரன்கள் வித்தியாசத்தில் வெற்றி பெற்று வரலாறு படைத்தது.

ஒரு நாள் கிரிக்கெட்டில் தென்ஆப்பிரிக்காவை அயர்லாந்து வீழ்த்தியது இதுவே முதல் முறையாகும். இதற்கு முன்பு 5 முறை அந்த அணியிடம் தோற்று இருந்தது. கடைசி ஒரு நாள் போட்டி இதே மைதானத்தில் நாளை நடக்கிறது.