கிரிக்கெட்

இங்கிலாந்து அணிக்கு எதிரான 3-வது டெஸ்ட்: இந்திய அணி 78 ரன்களுக்கு ஆல் அவுட்! + "||" + 3rd test : India all out on 78 against England at Headingley, Leeds

இங்கிலாந்து அணிக்கு எதிரான 3-வது டெஸ்ட்: இந்திய அணி 78 ரன்களுக்கு ஆல் அவுட்!

இங்கிலாந்து அணிக்கு எதிரான 3-வது டெஸ்ட்: இந்திய அணி 78 ரன்களுக்கு ஆல் அவுட்!
இங்கிலாந்து அணிக்கு எதிரான 3-வது டெஸ்ட் போட்டியில், இந்திய அணி அனைத்து விக்கெட்டுக்களையும் இழந்து 78 ரன்களில் சுருண்டது.
லீட்ஸ்,

இங்கிலாந்து சுற்றுப்பயணம் மேற்கொண்டிருக்கும் இந்திய கிரிக்கெட் அணி ஐந்து போட்டிகள் கொண்ட டெஸ்ட் தொடரை விளையாடி வருகிறது. இதில் முதல் டெஸ்ட் டிரா ஆனதைத் தொடர்ந்து, லார்ட்ஸ் மைதானத்தில் நடந்த இரண்டாவது டெஸ்ட் போட்டியில் இந்தியா அபார ஆட்டத்தை வெளிப்படுத்தி 151 ரன்கள் வித்தியாசத்தில் வென்றது.

இந்நிலையில் ஹெட்டிங்க்லியின் லீட்ஸ் மைதானத்தில் 3-வது டெஸ்ட் போட்டி தொடங்கியது. டாஸ் வென்ற இந்திய அணி பேட்டிங்கைத் தேர்ந்தெடுத்தது. இதன்படி தொடக்க ஆட்டக்காரர்களாக ரோஹித் சர்மாவும், கே.எல்.ராகுலும் களமிறங்கினர்.

முதல் ஓவரின் ஐந்தாவது பந்தைச் சந்தித்த கே.எல்.ராகுல் அதை டிரைவ் செய்ய முற்பட்டு அது சரியாகப் படாமல் பேட்டை உரசிவிட்டு விக்கெட் கீப்பர் பட்லரிடம் தஞ்சம் புகுந்தது. கடந்த போட்டியில் சதமடித்த கே.எல்.ராகுல் இம்முறை டக் அவுட் ஆகி வெளியேறியது ரசிகர்களுக்கு ஏமாற்றம் தந்தது. தொடர்ந்து களமிறங்கிய புஜாராவும் ஐந்தாவது ஓவரில் ஒரே ஒரு ரன் எடுத்த நிலையில் ஜேம்ஸ் ஆண்டர்சன் பந்துவீச்சில் பட்லரிடம் கேட்ச் கொடுத்து வெளியேறினார். 

அடுத்ததாக கேப்டன் விராட் கோலி களமிறங்கினார். அவரையும் 7 ரன்களில் வீழ்த்தினார் ஆண்டர்சன். 21 ரன்களுக்கு மூன்று விக்கெட்டுகளை இழந்ததால் இந்திய ரசிகர்கள் அதிர்ச்சியடைந்தனர். அதன்பின்னர்  ரோகித் சர்மாவும் ரஹானேவும் சரிவை ஓரளவு தடுத்து நிறுத்தியநிலையில்,  54 பந்துகளை எதிர்கொண்டு 18 ரன்கள் எடுத்த ரஹானே முதல் பகுதியின் கடைசி ஓவரில் ஆலி ராபின்சன் பந்துவீச்சில் ஆட்டமிழந்தார்.

இதனைத்தொடர்ந்து களமிறங்கிய வீரர்கள் சொற்ப ரன்களில் அடுத்தடுத்து ஆட்டமிழக்க, இந்திய அணி 40.4 ஒவர்களில் அனைத்து விக்கெட்டுகளையும் இழந்து 78 ரன்களில் சுருண்டது. இந்திய அணியின் சார்பில் அதிகபட்சமாக ரோகித் சர்மா 19 ரன்கள் எடுத்தார். இங்கிலாந்து அணியின் சார்பில் அதிகபட்சமாக ஜேம்ஸ் ஆண்டர்சன் மற்றும் கிரேக் ஓவர்டான் ஆகியோர் தலா 3 விக்கெட்டுகளும், சாம் கர்ரன் மற்றும் ஆலி ராபின்சன் ஆகியோர் தலா 2 விக்கெட்டுகளும் எடுத்தனர். தற்போது இங்கிலாந்து அணி பேட்டிங்கைத் தொடங்கி உள்ளது.

தொடர்புடைய செய்திகள்

1. கடைசி டெஸ்ட்: இங்கிலாந்து அணியில் மீண்டும் ஜோஸ் பட்லர், ஜாக் லீச் சேர்ப்பு
இந்திய அணிக்கு எதிரான கடைசி டெஸ்ட் போட்டியில் இங்கிலாந்து அணியில் மீண்டும் ஜோஸ் பட்லர், ஜாக் லீச் ஆகியோர் மீண்டும் அழைக்கப்பட்டுள்ளனர்.
2. இங்கிலாந்து அணிக்கு எதிரான 3-வது டெஸ்ட்: 4 விக்கெட்டுக்களை இழந்து இந்திய அணி திணறல்
இங்கிலாந்து அணிக்கு எதிரான 3-வது டெஸ்ட் போட்டியில், 4 விக்கெட்டுக்களை இழந்து இந்திய அணி திணறி வருகிறது.
3. இங்கிலாந்து அணிக்கு எதிரான 3-வது டெஸ்ட் போட்டி: இந்திய அணி பேட்டிங்
இங்கிலாந்து அணிக்கு எதிரான 3-வது டெஸ்ட் போட்டியில் டாஸ் வென்ற இந்திய அணி பேட்டிங் செய்ய உள்ளது.
4. இந்தியாவுக்கு எதிரான 3-வது டெஸ்ட்: காயம் காரணமாக இங்கிலாந்து பந்து வீச்சாளர் மார்க் வுட் விலகல்
இந்தியாவுக்கு எதிரான 3-வது டெஸ்ட் போட்டியில் காயம் காரணமாக இங்கிலாந்து பந்து வீச்சாளர் மார்க் வுட் நீக்கப்பட்டுள்ளதாக தெரிவிக்கப்பட்டுள்ளது.
5. நியூசிலாந்துக்கு எதிரான 2-வது டெஸ்ட்: இங்கிலாந்து அணி 303 ரன்னில் ‘ஆல்-அவுட்’
இங்கிலாந்து - நியூசிலாந்து அணிகள் இடையிலான 2-வது மற்றும் கடைசி டெஸ்ட் கிரிக்கெட் போட்டி பர்மிங்காமில் நேற்று முன்தினம் தொடங்கியது.