இந்தியா போன்ற பெரிய அணிகளுடன் மோதுவதை விரும்புகிறோம்- நமீபியா

ஷார்ஜா,

டி20 உலகக் கோப்பையில் நேற்று அயர்லாந்துக்கு எதிரான தகுதிச்சுற்று ஆட்டத்தில் நமீபியா அணி 8 விக்கெட் வித்தியாசத்தில் வெற்றிபெற்று சூப்பர் 12 சுற்றுக்கு முன்னேறி வரலாறு படைத்தது.

இது குறித்து நமீபிய அணியின் பயிற்சியாளர் பியர் டி ப்ரூயின் அளித்த பேட்டியில், சூப்பர் 12 சுற்றுக்கு முன்னேறியது மகிழ்ச்சி அளிக்கிறது. ஆனால் இனி தான் எங்கள் அணிக்கு முக்கியமான போட்டிகள் காத்திருக்கின்றன.

இந்த வெற்றி எங்களுக்கு அடுத்து வரும் போட்டிகளில் விளையாட புது உத்வேகத்தை அளிக்கும். இந்தியா, பாகிஸ்தான் மற்றும் நியூசிலாந்து போன்ற பெரிய அணிகளுக்கு எதிராக விளையாடுவதை நாங்கள் மிகவும் விரும்புகிறோம். ஏனெனில் இது போன்ற பெரிய அணிகளுக்கு எதிராக விளையடும் போது அது எங்களுக்கு புதிய அனுபவத்தை கொடுக்கும். எதிர்வரும் ஆட்டங்களில் எங்கள் முழு திறமையை வெளிப்படுத்தி எதிரணிகளுக்கு நெருக்கடியை கொடுப்போம் என்று அவர் தெரிவித்தார்.