20 ஓவர் கிரிக்கெட்டில் அதிவேகமாக 100 விக்கெட்டுகள் எடுத்து ரஷித் கான் புதிய சாதனை!

துபாய்,

டி20 உலகக் கோப்பையில் இன்று நடைபெற்ற போட்டியில் ஆப்கானிஸ்தான் அணியும், பாகிஸ்தான் அணியும் மோதின. 

இந்த போட்டியில் ரஷித் கான் பாகிஸ்தானின் முகமது ஹபீஸை வீழ்த்தியதன் மூலம் சர்வதேச இருபது ஓவர் போட்டிகளில் அதிவேகமாக 100 விக்கெட்டுகளை வீழ்த்தியவர் என்ற பெருமையை பெற்றுள்ளார். இந்த சாதனையை அடைய அவருக்கு 54 இன்னிங்ஸ்கள் மட்டுமே தேவைப்பட்டன. சர்வதேச இருபது ஓவர் போட்டிகளில் இதுவரை 4 வீரர்கள் மட்டுமே 100 விக்கெட்டுகள் என்ற மைல்கல்லை அடைந்துள்ளனர்.  

இலங்கையின் லசித் மலிங்கா (76 இன்னிங்ஸ்), நியூசிலாந்தின் டிம் சவுதி (82 இன்னிங்ஸ்) மற்றும் பங்களாதேஷ் அணியின் ஷகிப் அல் ஹசன் (83 இன்னிங்ஸ்)ஆகியோருடன் தற்போது ரஷித் கானும் (54 இன்னிங்ஸ்) இணைந்துள்ளார்.