வங்காளதேசத்துக்கு எதிரான டி20 போட்டி: பாகிஸ்தான் அணி வெற்றி
வங்காளதேச அணிக்கு எதிரான ஆட்டத்தில் 8 விக்கெட்டுகள் வித்தியாசத்தில் பாகிஸ்தான் வெற்றி பெற்றது.
டாக்கா,
வங்காளதேசம் சுற்றுப்பயணம் மேற்கொண்டுள்ள பாகிஸ்தான் கிரிக்கெட் அணி 3 டி20, 2 டெஸ்ட் போட்டிகள் கொண்ட தொடரில் விளையாடி வருகிறது. இரு அணிகளும் மோதிய முதல் டி20 போட்டியில் பாகிஸ்தான் வெற்றி பெற்றது.
இந்நிலையில், இரு அணிகளுக்கும் இடையேயான 2-வது டி20 போட்டி டாக்காவில் இன்று நடைபெற்றது , டாஸ் வென்ற வங்காளதேச அணி முதலில் பேட்டிங்கை தேர்வு செய்தது
அதன்படி முதலில் களமிறங்கிய வங்காளதேச அணி 20 ஓவர்கள் முடிவில் 7 விக்கெட்டுகள் இழந்து 108 ரன்கள் எடுத்தது .வங்காளதேச அணியில் நஜ்முல் ஹுசைன் சாண்டோ அதிகபட்சமாக 40 ரன்கள் எடுத்தார் .
இதனை தொடர்ந்து 109 ரன்கள் எடுத்தால் வெற்றி என்ற இலக்குடன் விளையாடிய பாகிஸ்தான் அணி 18.1ஓவர்களில் 2விக்கெட்டுகள் இழந்து 109 ரன்கள் எடுத்து வெற்றி பெற்றது,பாகிஸ்தான் அணியில் அதிகபட்சமாக பகார் ஜமான் 57 ரன்கள் எடுத்தார் .
இந்த வெற்றியால் 3 போட்டிகள் கொண்ட 20 ஓவர் தொடரில் 2-0 என்று தொடரை கைப்பற்றியது பாகிஸ்தான்.
Related Tags :
Next Story