டெஸ்ட் கிரிக்கெட்டில் அதிக விக்கெட்டுகள்: ஹர்பஜன் சிங்கை முந்தினார் அஸ்வின்.!

கான்பூர்,

இந்தியா- நியூசிலாந்து அணிகளுக்கு இடையேயான முதலாவது டெஸ்ட் போட்டி கான்பூரில் நடைபெற்றது. இந்த போட்டியின் இரண்டாம் இன்னிங்ஸ்சில் ரவிச்சந்திரன் அஸ்வின் நியூசிலாந்து அணியின் தொடக்க வீரரான டாம் லேதமின் விக்கெட்டை வீழ்த்தினார். இது அவருடைய 418-வது டெஸ்ட் விக்கெட் ஆகும். 

இதன்மூலம்  முன்பு 417 விக்கெட்டுகள் எடுத்திருந்த ஹர்பஜன் சிங்கை பின்னுக்குத்தள்ளி அதிக டெஸ்ட் விக்கெட்டுகள் எடுத்த 3-வது இந்திய பந்துவீச்சாளர் என்கிற பெருமையை அஸ்வின் பெற்றுள்ளார். அவர் 80 டெஸ்டுகளில் இந்த இலக்கை எட்டியுள்ளார். அடுத்ததாக கபில் தேவ் 434 விக்கெட்டுகளுடன் 2-வது இடத்தில் உள்ளார். அஸ்வின் இன்னும் சிறிது போட்டிகளிலேயே கபில் தேவ் சாதனையையும் முறியடிப்பார் என எதிர்பார்க்கப்படுகிறது.

டெஸ்ட்டில் அதிக விக்கெட்டுகளை வீழ்த்திய இந்தியப் பந்துவீச்சாளர்கள் விவரம்:

619 - அனில் கும்ப்ளே (132 டெஸ்டுகள்)

434 - கபில் தேவ் (131 டெஸ்டுகள்)

418*- ஆர். அஸ்வின் (80 டெஸ்டுகள்)

417 - ஹர்பஜன் சிங் (103 டெஸ்டுகள்)