இந்தியா-நியூசிலாந்து அணிகள் மோதும் 2-வது டெஸ்ட் நாளை தொடங்குகிறது


இந்தியா-நியூசிலாந்து அணிகள் மோதும் 2-வது டெஸ்ட் நாளை தொடங்குகிறது
x
தினத்தந்தி 2 Dec 2021 8:55 AM GMT (Updated: 2 Dec 2021 8:55 AM GMT)

கான்பூரில் நடந்த முதல் டெஸ்ட் போட்டி 'டிரா'வில் முடிந்தது.

மும்பை:

நியூசிலாந்து கிரிக்கெட் அணி இந்தியாவில் சுற்றுப்பயணம் செய்து விளையாடி வருகிறது.இரு அணிகள் இடையேயான 20 ஓவர் தொடரை இந்தியா 3-0 என்று கைப்பற்றியது. 

2 டெஸ்ட் போட்டி தொடரில் கான்பூரில் நடந்த முதல் டெஸ்ட் போட்டி 'டிரா' வில் முடிந்தது.இந்நிலையில் இந்தியா- நியூசிலாந்து அணிகள் இடையிலான 2 வது டெஸ்ட் போட்டி நாளை மும்பையில் உள்ள  வான்கடே மைதானத்தில்  தொடங்குகிறது. 

20 ஓவர் தொடர் மற்றும் முதல் டெஸ்டில் ஒய்வு அளிக்கப்பட்ட கேப்டன்  விராட் கோலி இந்த போட்டியில் விளையாடுவார் என்பதால் இந்திய அணி  பேட்டிங்கில் கூடுதல் பலத்துடன் காணப்படும் .

விராட் கோலி அணிக்கு திரும்பி இருப்பதால் இந்திய அணியில் யார் வெளியேற்றப்படுவார் என்ற கேள்வி எழுந்துள்ளது .

இந்த  போட்டி நாளை காலை 9.30 மணிக்கு தொடங்குகிறது.

Next Story