<
ஆஷஸ் டெஸ்ட்; இங்கிலாந்து திணறல்!
ஆஸ்திரேலியாவுக்கு எதிரான ஆஷஸ் டெஸ்ட் போட்டியில் இங்கிலாந்து அணி ரன்கள் எடுக்க திணறி வருகிறது.
பிரிஸ்பேன்,
ஆஸ்திரேலியாவில் சுற்றுப்பயணம் மேற்கோண்டுள்ள ஜோ ரூட் தலைமையிலான இங்கிலாந்து கிரிக்கெட் அணி 5 போட்டிகள் கொண்ட ஆஷஸ் டெஸ்ட் தொடரில் விளையாடுகிறது.
இந்நிலையில் இங்கிலாந்து-ஆஸ்திரேலியா அணிகள் இடையிலான முதலாவது டெஸ்ட் கிரிக்கெட் போட்டி பிரிஸ்பேனில் இன்று தொடங்கி நடைபெற்று வருகிறது.
இப்போட்டியில் டாஸ் வென்ற இங்கிலாந்து அணியின் கேப்டன் ஜோ ரூட் பேட்டிங்கை தேர்வு செய்தார். அதன்படி இங்கிலாந்து அணியின் தொடக்க வீரர்களாக ரோரி பர்ன்ஸ் மற்றும் ஹசீப் ஹமீது களமிறங்கினர்.
இங்கிலாந்து அணிக்கு ஆரம்பமே அதிர்ச்சியாக அமைந்தது. ரோரி பர்ன்ஸ் ரன் ஏதும் எடுக்காமல் ஸ்டார்க் பந்தில் ஆட்டமிழந்தார்.
அடுத்து வந்த வீரர்கள் டேவிட் மாலன் 6 ரன்களுக்கும் மற்றும் கேப்டன் ஜோ ரூட் ‘டக் அவுட்’ ஆகியும் அதிர்ச்சி அளித்தனர்.
பின்னர் வந்த பென் ஸ்டோக்ஸ் 5 ரன்களில் ஆட்டமிழந்தார்.
தற்போது உணவு இடைவேளை வரை, இங்கிலாந்து அணி 4 விக்கெட்டுகளை இழந்து 59 ரன்கள் எடுத்து விளையாடி வருகிறது.
துவக்க வீரர் ஹசீப் ஹமீது 25 ரன்களுடனும், ஓலி போப் 17 ரன்களுடனும் களத்தில் உள்ளனர்.
ஆஸ்திரேலிய அணி தரப்பில் ஜோஸ் ஹாசில்வுட் 2 விக்கெட்டுகளையும், மிட்செல் ஸ்டார்க் மற்றும் கேப்டன் பேட் கம்மின்ஸ் தலா 1 விக்கெட்டையும் கைப்பற்றினர்.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
