<
தென்ஆப்பிரிக்க 'ஏ' அணிக்கு எதிரான 3-வது டெஸ்ட்: இஷான் கிஷன்- ஹனுமா விஹாரி சிறப்பான ஆட்டம்
இஷான் கிஷன் 86 ரன்களில் ஆட்டமிழக்காமல் களத்தில் உள்ளார்.மூன்றாவது நாள் ஆட்டம் இன்று பிற்பகல் தொடங்குகிறது.
ப்ளூம்போண்டைன் ,
இந்திய ஏ அணி தென்னாப்பிரிக்காவின் ப்ளூம்போண்டைனில் நடைபெறும் டெஸ்ட் தொடரில் தென்னாப்பிரிக்கா ஏ அணியுடன் விளையாடி வருகிறது . மூன்று டெஸ்ட் போட்டிகள் கொண்ட இந்த தொடர் டிசம்பர் 9 ஆம் தேதி முடிவடைகிறது.
இரு அணிகளுக்கும் இடையிலான மூன்றாவது டெஸ்ட் போட்டி நேற்று முன்தினம் தொடங்கியது. டாஸ் வென்ற தென்னாப்பிரிக்கா ஏ அணியின் கேப்டன் பீட்டர் மலன் பேட்டிங்யை தேர்வு செய்தார். தொடக்க வீரராக களமிறங்கிய சரேல் ஏர்வி 75 ரன்கள் குவித்து நவ்தீப் சைனி பந்துவீச்சில் ஆட்டமிழந்தார்.
அதை தொடர்ந்து களமிறங்கிய தென்னாப்பிரிக்கா அணியின் டோனி சோர்சி 58 ரன்களிலும் , காயா சோண்டோ 56 ரன்களும் எடுத்து ஆட்டமிழந்தனர்.
முதல் நாள் ஆட்ட நேர முடிவில் தென்னாப்பிரிக்கா ஏ அணி 7 விக்கெட் இழப்பிற்கு 249 ரன்கள் எடுத்துள்ளது. இந்திய அணி தரப்பில் நவ்தீப் சைனி 3 விக்கெட்களையும் , சவுரப் குமார் 2 விக்கெட்களையும் , தீபக் சாகர் 1 விக்கெட்டும் கைப்பற்றினர். இரண்டாவது நாள் ஆட்டம் இன்று பிற்பகல் தொடங்குகிறது.
இதை தொடர்ந்து நேற்று இரண்டாவது நாள் ஆட்டம் நடைபெற்றது. மேலும் 19 ரன்கள் மட்டுமே சேர்த்த நிலையில் தென்னாப்பிரிக்கா ஏ அணி அனைத்து விக்கெட்களையும் இழந்து 268 ரன்களுக்கு சுருண்டது.
இதை தொடர்ந்து முதல் இன்னிங்க்சை ஆட தொடங்கிய இந்திய அணி சற்று தடுமாறியது. தொடக்க வீரராக களமிறங்கிய பிரித்வி சா 5 ரன்னிலும் அபிமன்யு ஈஸ்வரன் 28 ரன்களிலும் ஆட்டமிழந்தனர். இதன் பிறகு களமிறங்கிய படிக்கல் 8 ரன்களில் ஆட்டமிழந்தார். பின்னர் ஜோடி சேர்ந்த கேப்டன் ஹனுமா விஹாரி - இஷான் கிஷன் இணை சிறப்பாக விளையாடி ரன்களை குவித்தது.
சிறப்பாக விளையாடிய ஹனுமா விஹாரி 63 ரன்களில் ஆட்டமிழந்தார். இரண்டாவது நாள் ஆட நேர முடிவில் இந்தியா ஏ அணி 6 விக்கெட் இழப்பிற்கு 229 ரன்கள் குவித்துள்ளது.
இஷான் கிஷன் 86 ரன்களில் ஆட்டமிழக்காமல் களத்தில் உள்ளார்.மூன்றாவது நாள் ஆட்டம் இன்று பிற்பகல் தொடங்குகிறது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
