விஜய் ஹசாரே கோப்பை கிரிக்கெட்: கர்நாடகா காலிறுதிக்கு தகுதி


விஜய் ஹசாரே கோப்பை கிரிக்கெட்: கர்நாடகா காலிறுதிக்கு தகுதி
x
தினத்தந்தி 19 Dec 2021 10:20 PM GMT (Updated: 2021-12-20T03:50:29+05:30)

நேற்றைய போட்டியில் ராஜஸ்தான் அணியை வீழ்த்தி காலிறுதிக்கு முன்னேறியது.

ஜெய்ப்பூர், 

விஜய் ஹசாரே கோப்பைக்கான ஒரு நாள் கிரிக்கெட் தொடரின் இறுதிகட்ட ஆட்டங்கள் ஜெய்ப்பூரில் நடந்து வருகிறது. இதில் நேற்று நடந்த கால்இறுதிக்கு முந்தைய சுற்று ஆட்டம் ஒன்றில் கர்நாடகா-ராஜஸ்தான் அணிகள் மோதின.

 முதலில் பேட் செய்த ராஜஸ்தான் அணி 41.4 ஓவர்களில் 199 ரன்னில் சுருண்டது. கேப்டன் தீபக் ஹூடா (109 ரன், 109 பந்து, 9 பவுண்டரி, 5 சிக்சர்) சதம் விளாசிய போதிலும் மற்ற வீரர்கள் நிலைத்து நின்று ஆடாததால் 200 ரன்களை கூட தாண்ட முடியாமல் போனது. 

அடுத்து களம் இறங்கிய கர்நாடக அணி 43.4 ஓவர்களில் 2 விக்கெட்டுக்கு 204 ரன்கள் சேர்த்து 8 விக்கெட் வித்தியாசத்தில் எளிதில் வெற்றி பெற்று கால்இறுதிக்கு முன்னேறியது. கேப்டன் ரவிகுமார் சமார்த் (54 ரன்), கே.வி.சித்தார்த் (85 ரன், நாட்-அவுட்), மனிஷ் பாண்டே (52 ரன், நாட்-அவுட்) அரைசதம் அடித்தனர்.

கால்இறுதி ஆட்டங்களில் தமிழ்நாடு-கர்நாடகா, உத்தரபிரதேசம்-இமாச்சலபிரதேசம் அணிகள் நாளையும், சவுராஷ்டிரா-விதர்பா, கேரளா-சர்வீசஸ் அணிகள் நாளை மறுதினமும் மோதுகின்றன.

Next Story