கிரிக்கெட்

டி20 கேப்டன் பதவி விலகல் முடிவை மறுபரிசீலனை செய்ய விராட் கோலியை வலியுறுத்தினோம்: தேர்வு குழு தலைவர் + "||" + Virat Kohli was asked to reconsider his decision to step down as T20I captain: Chief selector Chetan Sharma

டி20 கேப்டன் பதவி விலகல் முடிவை மறுபரிசீலனை செய்ய விராட் கோலியை வலியுறுத்தினோம்: தேர்வு குழு தலைவர்

டி20 கேப்டன் பதவி விலகல் முடிவை மறுபரிசீலனை செய்ய விராட் கோலியை வலியுறுத்தினோம்: தேர்வு குழு தலைவர்
இருபது ஓவர் அணியின் கேப்டன் பதவியில் இருந்து விலகும்படி கோலியிடம் யாரும் சொல்லவில்லை.
புதுடெல்லி, 

இந்திய 20 ஓவர் அணியின் கேப்டன் பதவியில் இருந்து விராட் கோலி விலக முடிவு எடுத்த போது, இந்த முடிவை கைவிடுங்கள் என்று வலியுறுத்தியும் அதை அவர் ஏற்கவில்லை என்று இந்திய கிரிக்கெட் வாரிய தலைவர் கங்குலி கூறினார். ஆனால் கேப்டன் பதவியில் இருந்து ஒதுங்க வேண்டாம் என்று கிரிக்கெட் வாரியம் தரப்பில் யாரும் தன்னை கேட்கவில்லை என்று விராட் கோலி கூறி சமீபத்தில் சர்ச்சையை கிளப்பினார். இந்த விவகாரம் குறித்து இந்திய அணியின் தேர்வு குழு தலைவர் சேத்தன் சர்மா நேற்று அளித்த பேட்டியில் கூறியதாவது:-

20 ஓவர் அணிக்கான கேப்டன் பதவியில் இருந்து விராட் கோலி விலக எடுத்த முடிவு எங்களை ஆச்சரியப்படுத்தியது. தேர்வு கமிட்டியினர், இந்திய கிரிக்கெட் வாரிய நிர்வாகிகள் அனைவரும் விலகல் முடிவை மறுபரிசீலனை செய்யுங்கள், 20 ஓவர் உலக கோப்பை போட்டி முடிந்த பிறகு அது பற்றி பேசிக்கொள்ளலாம் என்று கோலியிடம் கேட்டுக் கொண்டனர். ஆனால் அவர் தனது திட்டத்தில் உறுதியாக இருந்தார். 20 ஓவர் அணியின் கேப்டன் பதவியில் இருந்து விலகும்படி கோலியிடம் யாரும் சொல்லவில்லை. இது அவரது தனிப்பட்ட முடிவு. ஆனால் 20 ஓவர் அணி கேப்டன் பொறுப்பில் இருந்து அவர் விலகியதும், வெள்ளை நிற பந்து கிரிக்கெட்டுக்கு (ஒரு நாள் மற்றும் 20 ஓவர்) ஒரே கேப்டனே இருக்க வேண்டும் என்று முடிவு செய்து ரோகித் சர்மாவை நியமித்தோம்.

இவ்வாறு அவர் கூறினார்.

தொடர்புடைய செய்திகள்

1. தாமஸ் கோப்பை பேட்மிண்டன்: சாம்பியன் பட்டம் வென்ற இந்திய அணிக்கு விராட் கோலி வாழ்த்து
தாமஸ் கோப்பை பேட்மிண்டன் போட்டியில் கோப்பையை வென்ற இந்திய அணிக்கு, இந்திய கிரிக்கெட் அணியின் முன்னாள் கேப்டன் வாழ்த்து தெரிவித்துள்ளார் .
2. "விராட் கோலி-யிடம் இருந்து மிகவும் சிறப்பான ஆட்டத்தை பார்க்க போகிறோம்"- மைக் ஹெசன்
நடப்பு ஐபிஎல் தொடரில் விராட் கோலியின் மோசமான பேட்டிங் ஃபார்ம் தொடர்கிறது.
3. அதிர்ஷ்டம் விரைவில் உங்கள் பக்கம் திரும்பும் : விராட் கோலி குறித்து பஞ்சாப் அணி நெகிழ்ச்சி பதிவு..!
நேற்று நேற்று நடைபெற்ற போட்டியில் பெங்களூரு - பஞ்சாப் அணிகள் மோதின.
4. தென் ஆப்பிரிக்காவுக்கு எதிரான டி20 தொடரில் விராட் கோலிக்கு ஓய்வு?
இந்தியா-தென் ஆப்பிரிக்கா அணிகள் இடையேயான 20 ஓவர் போட்டி ஜூன் 9-ந்தேதி முதல் நடக்கிறது.
5. டக் அவுட்டான பின் புன்னகையோடு வெளியேறியதற்கு என்ன காரணம் ?- பதிலளித்த கோலி
கோலி நடப்பு ஐபிஎல் சீசனில் இதுவரை 3 முறை முதல் பந்தில் டக் அவுட்டாகி வெளியேறியுள்ளார்.