ஆஸ்திரேலிய கிரிக்கெட் வீரர் மேக்ஸ்வெல்லுக்கு கொரோனா தொற்று..!

மெல்போர்ன்,

ஆஸ்திரேலியாவின் மிக பிரபலமான 20 ஓவர் கிரிக்கெட் தொடர் பிக்பாஷ் லீக். இந்த ஆண்டுக்கான ஆண்கள்  பிக்பாஷ் லீக் தற்போது நடைபெற்று வருகிறது. இதில் மெல்போர்ன் ரெனேகட்ஸ், மெல்போர்ன் ஸ்டார்ஸ் ,பிரிஸ்பேன்  ஹீட்,கோபர்ட் ஹூரிகேன்ஸ், பெர்த் ஸ்கார்சேர்ஸ் ,சிட்னி தண்டர்ஸ் , அடிலெய்டு ஸ்ட்ரைக்கர்ஸ், சிட்னி சிக்சர்ஸ் என மொத்தம் 8 அணிகள் பங்கேற்றுள்ளன.

இந்த நிலையில், மெல்போர்ன் ஸ்டார்ஸ் அணியின் கேப்டன் க்ளென் மேக்ஸ்வெல் கொரோனா தொற்று உறுதியாகி உள்ளது. இதன்மூலம், இந்த தொடரில் பங்கேற்ற வீரர்களில் கொரோனா பாதிப்புக்கு ஆளான 13-வது வீரராக அவர் மாறியுள்ளார்.

முன்னதாக, நேற்று நடைபெற இருந்த பிரிஸ்பேன்  ஹீட்- சிட்னி சிக்சர்ஸ் அணிகளுக்கு இடையேயான ஆட்டம் கொரோனா பாதிப்பு காரணமாக ஒத்தி வைக்கப்பட்டது.

இப்படி தொடர்ந்து வீரர்கள் கொரோனா தொற்றால் பாதிக்கப்பட்டு வரும் நிலையிலும் பிக்பாஷ் லீக் தொடரை நடத்துவதில் அதன் ஒருங்கிணைப்பார்கள் ஆர்வம் காட்டி வருகின்றனர் என்பது குறிப்பிடத்தக்கது.