<
நியூசிலாந்து அணிக்கு எதிரான 2-வது டெஸ்ட் போட்டி: வலுவான நிலையில் தென் ஆப்பிரிக்க அணி
4-வது நாள் உணவு இடைவேளை வரை நியூசிலாந்து அணியை விட தென் ஆப்பிரிக்க அணி 303 ரன்கள் முன்னிலை பெற்றுள்ளது.
கிறிஸ்ட்சர்ச்,
தென் ஆப்பிரிக்க கிரிக்கெட் அணி நியூசிலாந்தில் சுற்றுப்பயணம் செய்து விளையாடி வருகிறது. முதலாவது டெஸ்டில் தென்ஆப்பிரிக்கா இன்னிங்ஸ் மற்றும் 276 ரன்கள் வித்தியாசத்தில் தோல்வி அடைந்தது
இந்நிலையில் 2வது டெஸ்ட் போட்டி கிறிஸ்ட்சர்ச், மைதானத்தில் கடந்த 25-ஆம் தேதி தொடங்கியது இந்த போட்டியில் டாஸ் வென்ற தென் ஆப்பிரிக்க அணி முதலில் பேட்டிங்கை தேர்வு செய்தது . அந்த அணியில் சிறப்பாக விளையாடிய சரேல் எர்வீ சதம் அடித்து அசத்தினார்.
இறுதியில் அந்த அணி 364 ரன்களுக்கு அனைத்து விக்கெட்களையும் இழந்தது. இதை தொடர்ந்து நியூசிலாந்து அணி முதல் இன்னிங்சை ஆட தொடங்கியது.ஒரு முனையில் விக்கெட்கள் சரிந்தாலும் மறுமுனையில் நியூசிலாந்து அணியின் காலின் டி கிராண்ட்கோம் அதிரடியாக விளையாடி சதம் அடித்தார்.
இறுதியில் நியூசிலாந்து அணி முதல் இன்னிங்சில் 293 ரன்களுக்கு 10 விக்கெட்களையும் இழந்தது. காலின் டி கிராண்ட்கோம் 120 ரன்களுடன் இறுதி வரை ஆட்டமிழக்காமல் இருந்தார்.
71 ரன்கள் முன்னிலையுடன் 2-வது இன்னிங்சை ஆட தொடங்கிய தென் ஆப்பிரிக்க அணியின் தொடக்க வீரர்கள் சரேல் எர்வீ 8 ரன்களிலும் , எல்கர் 13 ரன்களிலும் ஆட்டமிழந்தனர். இதனால் அடுத்தடுத்து விக்கெட்களை இழந்து தென் ஆப்பிரிக்க அணி தடுமாறியது.
வான் டெர் டசன் மட்டும் ஆறுதல் அளிக்கும் விதமாக 45 ரன்கள் குவித்தார். 3-வது நாள் ஆட்ட நேர முடிவில் தென் ஆப்பிரிக்க அணி 5 விக்கெட் இழப்பிற்கு 140 ரன்கள் குவித்து 211 ரன்கள் முன்னிலையில் இருந்தது.
இந்த நிலையில் இன்று 4-வது நாள் ஆட்டம் தொடங்கியது. தொடக்கத்தில் விக்கெட்கள் சரிந்தாலும் ஒருமுனையில் தென் ஆப்பிரிக்க அணியின் கேய்ல் வேரின்னே நிலைத்து நின்று விளைய்டி அரைசதம் கடந்தார்.
4-வது நாள் உணவு இடைவேளை வரை தென் ஆப்பிரிக்க அணி 7 விக்கெட்களை இழந்து 232 ரன்கள் எடுத்துள்ளது. நியூசிலாந்து அணியை விட தென் ஆப்பிரிக்க அணி 303 ரன்கள் முன்னிலை பெற்றுள்ளது.
Related Tags :
Next Story
"Daily Thanthi" a prestigious product from The Thanthi Trust
எங்களைப்பற்றி தனித்தன்மை பாதுகாப்பு தொடர்புகொள்ள வலைத்தள தொகுப்பு ஆலோசனைகள் வேலைவாய்ப்பு
Paper Ad Tariff Web Ad Tariff Terms & Conditions (E-paper)
காப்புரிமை 2024, © The Thanthi Trust Powered by Hocalwire
