இங்கிலாந்துக்கு எதிரான 3வது டி20: டாஸ் வென்ற நியூசிலாந்து பேட்டிங் தேர்வு

பர்மிங்காம்,

இங்கிலாந்தில் சுற்றுப்பயணம் மேற்கொண்டு விளையாடி வரும் நியூசிலாந்து அணி 4 டி20 மற்றும் 4 ஒருநாள் போட்டிகள் கொண்ட தொடரில் பங்கேற்றுள்ளது. இதில் டி20 தொடர் முதலாவதாக நடைபெற்று வருகிறது. கடந்த 30ம் தேதி நடைபெற்ற முதலாவது டி20 போட்டியில் இங்கிலாந்து வெற்றி பெற்றது.

இதையடுத்து இவ்விரு அணிகள் இடையிலான 2வது டி20 போட்டியில் இங்கிலாந்து 95 ரன் வித்தியாசத்தில் அபார வெற்றி பெற்றது.இந்த வெற்றியின் மூலம் 4 போட்டிகள் கொண்ட டி20 தொடரில் இங்கிலாந்து 2-0 என முன்னிலையில் உள்ளது

இந்த நிலையில் இவ்விரு அணிகள் இடையிலான 3வது டி20 போட்டி இன்று நடைபெறுகிறது. டாஸ் வென்ற நியூசிலாந்து அணி கேப்டன் டிம் சவுதி பேட்டிங்கை தேர்வு செய்தார். அதன்படி நியூசிலாந்து அணி முதலில் பேட்டிங் செய்து வருகிறது.