இந்தியாவுக்கு எதிரான முதல் டெஸ்ட்: ஆஸ்தி.வேகப்பந்து வீச்சாளர் பங்கேற்பதில் சிக்கல்

நாக்பூர்,

இந்தியாவில் சுற்றுப்பயணம் மேற்கொண்டுள்ள ஆஸ்திரேலிய அணி 4 டெஸ்ட், 3 ஒருநாள் போட்டிகளில் விளையாட உள்ளது.

இரு அணிகளுக்கும் இடையேயான முதல் டெஸ்ட் வரும் 9-ம் தேதி நாக்பூரில் நடைபெற உள்ளது. இந்த போட்டிக்காக இரு அணிகளும் தயாராகி வருகின்றன.

இந்நிலையில், இந்தியாவுக்கு எதிரான டெஸ்ட் தொடருக்கான அணியில் இடம்பெற்றுள்ள ஆஸ்திரேலிய வேகப்பந்து வீச்சாளர் ஜோஷ் ஹேசல்வுட் முதல் டெஸ்ட் போட்டியில் பங்கேற்பதில் சிக்கல் ஏற்பட்டுள்ளது.

சிட்னியில் கடந்த மாதம் தென்னாப்பிரிக்காவுக்கு எதிராக நடைபெற்ற டெஸ்ட் போட்டியில் ஆஸ்திரேலிய வேகப்பந்து வீச்சாளர் ஜோஷ் ஹேசல்வுட்டின் இடதுகாலில் காயம் ஏற்பட்டது.

அந்த காயம் இன்னும் குணமடையாததால் இந்தியாவுக்கு எதிரான முதல் டெஸ்ட் போட்டியில் ஜோஷ் ஹேசல்வுட் விளையாடுவதில் சிக்கல் ஏற்பட்டுள்ளது. 2-வது டெஸ்ட் போட்டியிலும் அவர் விளையாடுவதில் சிக்கல் ஏற்பட்டுள்ளது.

இது தொடர்பான விரைவில் ஆஸ்திரேலிய கிரிக்கெட் அணி விரைவில் அதிகாரப்பூர்வ அறிவிப்பு வெளியிடும் என தகவல் வெளியாகியுள்ளது. ஜோஷ் ஹேசல்வுட் முதல் டெஸ்ட்டில் விளையாடவில்லை என்றால் அவருக்கு பதில் மாற்று வீரர் யார்? என்பது குறித்த அறிவிப்பும் விரைவில் வெளியாகும் என எதிர்பார்க்கப்படுகிறது.