ஐ.எஸ்.எல். கால்பந்து: கோவா-டெல்லி ஆட்டம் ‘டிரா’

கோவா,

4-வது இந்தியன் சூப்பர் லீக் (ஐ.எஸ்.எல்.) கால்பந்து தொடரில் கோவா நேரு ஸ்டேடியத்தில் நேற்றிரவு நடந்த 78-வது லீக் ஆட்டத்தில் எப்.சி.கோவா-டெல்லி டைனமோஸ் அணிகள் சந்தித்தன. பரபரப்பான இந்த ஆட்டம் 1-1 என்ற கோல் கணக்கில் ‘டிரா’ ஆனது. கோவா அணியில் ஹூகோ புமோஸ் (53-வது நிமிடம்), டெல்லி அணி தரப்பில் கலு உச்சே (81-வது நிமிடம்) ஆகியோர் கோல் அடித்தனர்.

இன்று இரவு 8 மணிக்கு நடக்கும் லீக் ஆட்டத்தில் மும்பை சிட்டி-நார்த் ஈஸ்ட் யுனைடெட் (கவுகாத்தி) அணிகள் மோதுகின்றன.