ஐ.எஸ்.எல். கால்பந்து புனே அணியை பந்தாடியது கோவா

புனே,

4-வது இந்தியன் சூப்பர் லீக் (ஐ.எஸ்.எல்.) கால்பந்து தொடரில் நேற்று மாலை புனேயில் அரங்கேறிய 82-வது லீக் ஆட்டத்தில் எப்.சி.கோவா அணி 4-0 என்ற கோல் கணக்கில் புனே சிட்டியை அந்த சொந்த மண்ணிலேயே பந்தாடியது. கோவா அடித்த 4 கோல்களில் இரண்டு பெனால்டி வாய்ப்பில் கிட்டியது. 16-வது ஆட்டத்தில் ஆடிய கோவா அணி 7 வெற்றி, 3 டிரா, 6 தோல்வி என்று 24 புள்ளிகளுடன், பட்டியலில் 6-வது இடத்தில் இருப்பதுடன் அரைஇறுதி வாய்ப்பையும் தக்கவைத்துக் கொண்டது. 29 புள்ளிகளுடன் 2-வது இடம் வகிக்கும் புனே அணிக்கு இது 6-வது தோல்வியாகும்.

புவனேசுவரத்தில் இரவில் நடந்த மற்றொரு ஆட்டத்தில் பெங்களூரு எப்.சி. அணி 2-0 என்ற கோல் கணக்கில் ஜாம்ஷெட்பூரை வீழ்த்தி 12-வது வெற்றியை பதிவு செய்தது.