விளையாட்டில் அரசியல் கூடாது என்ற கொள்கையோடு செயல்படும் பிஃபாவுக்கு நன்றி; ரஷ்ய அதிபர் விளாடிமிர் புதின்

உலக கோப்பை தொடக்க ஆட்டத்தில் ரஷியா- சவூதி அரேபியா அணிகள் நாளை சந்திக்கின்றன. இந்த ஆட்டம் இந்திய நேரப்படி இரவு 8.30 மணிக்கு தொடங்குகிறது. 2-வது நாள் ஆட்டங்களில் எகிப்து-உருகுவே (இந்திய நேரப்படி மாலை 5.30 மணி), மொராக்கோ-ஈரான் (இரவு 8.30 மணி), போர்ச்சுகல்-ஸ்பெயின் (இரவு 11.30 மணி) அணிகள் மோதுகின்றன.

இந்த நிலையில், மாஸ்கோ நகரில் சர்வதேச கால்பந்து கூட்டமைப்பின் (பிஃபா) மாநாடு இன்று நடந்தது.  இதில் ரஷ்ய அதிபர் விளாடிமிர் புதின் கலந்து கொண்டார்.  அவர் உலக கோப்பைக்கு அருகே நின்றபடி பேசும்பொழுது, விளையாட்டில் அரசியல் கூடாது என்ற கொள்கையோடு பிஃபா செயல்படுகிறது என்பதனை சுட்டி காட்ட விரும்புகிறேன்.  அதற்கு எனது நன்றியை தெரிவித்து கொள்கிறேன் என கூறியுள்ளார்,