கால்பந்து

இந்தியா உள்பட 24 அணிகள் பங்கேற்கும் ஆசிய கோப்பை கால்பந்து போட்டி இன்று தொடக்கம் + "||" + 24 teams from India will participate Asian Cup football competition Start Toda

இந்தியா உள்பட 24 அணிகள் பங்கேற்கும் ஆசிய கோப்பை கால்பந்து போட்டி இன்று தொடக்கம்

இந்தியா உள்பட 24 அணிகள் பங்கேற்கும் ஆசிய கோப்பை கால்பந்து போட்டி இன்று தொடக்கம்
இந்தியா உள்பட 24 அணிகள் பங்கேற்கும் ஆசிய கோப்பை கால்பந்து போட்டி இன்று ஐக்கிய அரபு அமீரகத்தில் தொடங்குகிறது.

அபுதாபி,

இந்தியா உள்பட 24 அணிகள் பங்கேற்கும் ஆசிய கோப்பை கால்பந்து போட்டி இன்று ஐக்கிய அரபு அமீரகத்தில் தொடங்குகிறது.

ஆசிய கோப்பை கால்பந்து

17–வது ஆசிய கோப்பை கால்பந்து போட்டி இன்று (சனிக்கிழமை) முதல் பிப்ரவரி 1–ந் தேதி வரை ஐக்கிய அரபு அமீரகத்தில் நடைபெறுகிறது. 4 நகரங்களில் உள்ள 8 ஸ்டேடியங்களில் இந்த போட்டி நடக்கிறது.

இந்த போட்டியில் நடப்பு சாம்பியன் ஆஸ்திரேலியா, 4 முறை சாம்பியனான ஜப்பான் உள்பட 24 அணிகள் கலந்து கொள்கின்றன. கடந்த முறை 16 அணிகள் பங்கேற்ற இந்த போட்டியில் அணிகளின் எண்ணிக்கை முதல்முறையாக 24 ஆக உயர்த்தப்பட்டுள்ளது. போட்டியில் பங்கேற்கும் அணிகள் 6 பிரிவாக பிரிக்கப்பட்டுள்ளன.

‘ஏ’ பிரிவில் இந்தியா

இதன் ‘ஏ’ பிரிவில் இந்தியா, ஐக்கிய அரபு அமீரகம், தாய்லாந்து, பக்ரைன், ‘பி’ பிரிவில் ஆஸ்திரேலியா, சிரியா பாலஸ்தீனம், ஜோர்டான், ‘சி’ பிரிவில் தென்கொரியா, சீனா, கிர்கிஸ்தான், பிலிப்பைன்ஸ், ‘டி’ பிரிவில் ஈரான், ஈராக், வியட்நாம், ஏமன், ‘இ’ பிரிவில் சவூதி அரேபியா, கத்தார், லெபனான், வடகொரியா, ‘எப்’ பிரிவில் ஜப்பான், உஸ்பெகிஸ்தான், ஓமன், துர்க்மெனிஸ்தான் ஆகிய அணிகளும் இடம் பெற்றுள்ளன.

ஒவ்வொரு அணியும் தங்கள் பிரிவில் இடம் பெற்றுள்ள அணிகளுடன் தலா ஒரு முறை லீக் ஆட்டத்தில் மோதும். லீக் முடிவில் ஒவ்வொரு பிரிவிலும் முதல் 2 இடங்களை பிடிக்கும் அணிகள் மற்றும் 3–வது இடம் பெறும் அணிகளில் 4 சிறந்த அணிகள் 2–வது சுற்றுக்கு முன்னேறும்.

ஐக்கிய அரபு அமீரகம்–பக்ரைன் இன்று மோதல்

அபுதாபியில் இன்று இரவு நடைபெறும் தொடக்க லீக் ஆட்டத்தில் போட்டியை நடத்தும் ஐக்கிய அரபு அமீரகம், பக்ரைனை எதிர்கொள்கிறது. இந்த ஆட்டம் இந்திய நேரப்படி இரவு 9.30 மணிக்கு தொடங்குகிறது. இந்திய அணி தனது முதல் லீக் ஆட்டத்தில் நாளை தாய்லாந்தை சந்திக்கிறது. இந்த ஆட்டம் இந்திய நேரப்படி இரவு 7 மணிக்கு ஆரம்பமாகிறது. இந்தியாவின் ஆட்டம் மற்றும் நாக்–அவுட் சுற்று ஆட்டங்களை ஸ்டார் ஸ்போர்ட்ஸ் 3 சேனல் நேரடியாக ஒளிபரப்பு செய்கிறது.

1956–ம் ஆண்டு முதல் நடந்து வரும் ஆசிய கோப்பை போட்டிக்கு இந்திய அணி தகுதி பெற்று இருப்பது இது 4–வது முறையாகும். 1964–ம் ஆண்டு போட்டியில் 2–வது இடம் பெற்ற இந்திய அணி அதன் பிறகு குறிப்பிடத்தக்க வகையில் சோபிக்கவில்லை. கடைசியாக 2011–ம் ஆண்டில் இந்த போட்டிக்கு தகுதி பெற்ற இந்திய அணி லீக் சுற்றை தாண்டவில்லை. கடந்த போட்டிக்கு (2015–ம் ஆண்டு) இந்திய அணி தகுதி பெறவில்லை. இந்த ஆசிய கோப்பை போட்டியில் சுனில் சேத்ரி தலைமையில் இந்திய அணி களம் காணுகிறது. சமீப காலங்களில் இந்திய அணி சிறப்பாக செயல்பட்டு வருவதால் இந்த போட்டியில் ஜொலிக்கும் என்று எதிர்பார்க்கப்படுகிறது.