கோபா அமெரிக்கா கால்பந்து: எளிதான பிரிவில் பிரேசில் அணி

ரியோடி ஜெனீரோ, 

12 அணிகள் இடையிலான 46–வது கோபா அமெரிக்கா கால்பந்து போட்டி ஜூன், ஜூலை மாதங்களில் பிரேசிலில் நடக்கிறது. இதில் தென்அமெரிக்க கண்டத்தை சேர்ந்த 10 அணிகளுடன் சிறப்பு அழைப்பின் பேரின் ஜப்பான், கத்தார் ஆகிய ஆசிய அணிகளும் கலந்து கொள்கின்றன.

இந்த போட்டியில் யார்–யாருடன் மோதுவது என்பது குலுக்கல் மூலம் முடிவு செய்யப்பட்டது. இதன்படி 8 முறை சாம்பியனான பிரேசிலுக்கு குரூப் சுற்று எளிதாக அமைந்துள்ளது. ‘ஏ’ பிரிவில் பிரேசில் அணியுடன் பொலிவியா, வெனிசுலா, பெரு ஆகிய அணிகள் அங்கம் வகிக்கின்றன. பி பிரிவில் பலம் வாய்ந்த அர்ஜென்டினா, கொலம்பியா, பராகுவே மற்றும் கத்தார் ஆகிய அணிகளும், சி பிரிவில் உருகுவே, ஈகுவடார், ஜப்பான், நடப்பு சாம்பியன் சிலி ஆகிய அணிகளும் இடம் பெற்றுள்ளன.