ஜூனியர் கால்பந்து: சென்னையின் எப்.சி. அணி அபார வெற்றி

சென்னை,

ஜூனியர் லீக் (15 வயதுக்குட்பட்டோர்) சென்னை மண்டல கால்பந்து போட்டி சென்னையில் நடந்து வந்தது. இதில் சென்னையை அடுத்த துரைப்பாக்கத்தில் நேற்று நடந்த கடைசி லீக்கில் சென்னையின் எப்.சி. அணி 7-0 என்ற கோல் கணக்கில் சென்னை சிட்டி எப்.சி.யை பந்தாடியது. முகமது லியாகத் 3 கோலும், ராகுல் கே.மன்ஜூலா 2 கோலும் அடித்தனர். சென்னை மண்டல பிரிவில் எப்.சி.மெட்ராஸ் 18 புள்ளிகளுடன் முதலிடத்தை பிடித்து நேரடியாக இறுதி ரவுண்டுக்கு முன்னேறியது. 17 புள்ளியுடன் 2-வது இடத்தை பெற்ற சென்னையின் எப்.சி. அணி அடுத்த சுற்றை எட்டுவதற்கு பிளே-ஆப் சுற்றில் மோத வேண்டி உள்ளது.