கால்பந்து

கோபா அமெரிக்கா கால்பந்து: பிரேசில் அணி அபார வெற்றி + "||" + Copa America Football: Brazil team Big win

கோபா அமெரிக்கா கால்பந்து: பிரேசில் அணி அபார வெற்றி

கோபா அமெரிக்கா கால்பந்து: பிரேசில் அணி அபார வெற்றி
கோபா அமெரிக்கா கால்பந்து போட்டியில் பிரேசில் அணி அபார வெற்றிபெற்றது.
சாவ் பாவ்லோ,

கோபா அமெரிக்க கால்பந்து போட்டியின் தொடக்க ஆட்டத்தில் பிரேசில் அணி 3-0 என்ற கோல் கணக்கில் பொலிவியாவை தோற்கடித்தது.

தென்அமெரிக்க கண்டத்து அணிகளுக்கான 46-வது கோபா அமெரிக்கா கால்பந்து போட்டி தொடர் பிரேசிலில் நேற்று முன்தினம் தொடங்கியது. இந்த போட்டியில் தென்அமெரிக்க கண்டத்தை சேர்ந்த 10 அணிகளுடன், ஆசிய கண்டத்தை சேர்ந்த ஜப்பான், கத்தார் ஆகிய அணிகள் சிறப்பு அழைப்பின் பேரில் கலந்து கொண்டுள்ளன. அணிகள் 3 பிரிவாக பிரிக்கப்பட்டுள்ளன. ஒவ்வொரு அணியும் தங்கள் பிரிவில் உள்ள மற்ற அணிகளுடன் தலா ஒரு முறை மோத வேண்டும். லீக் சுற்று முடிவில் ஒவ்வொரு பிரிவிலும் முதல் 2 இடங்களை பிடிக்கும் அணிகள் கால்இறுதிக்குள் நுழையும். அத்துடன் 3-வது இடத்தை பெறும் சிறந்த 2 அணிகளும் கால்இறுதிக்கு தகுதி பெறும்.


சாவ் பாப்லோவில் நேற்று முன்தினம் நடந்த தொடக்க லீக் ஆட்டத்தில் (ஏ பிரிவு) 8 முறை சாம்பியனான பிரேசில் அணி, பொலிவியாவை சந்தித்தது. விறுவிறுப்பான இந்த ஆட்டத்தில் முதல் பாதியில் பிரேசில் அணி ஆதிக்கம் செலுத்தினாலும், பொலிவியா அணியின் தடுப்பு அரணை தகர்க்க முடியவில்லை. இதனால் முதல் பாதியில் கோல் எதுவும் விழவில்லை.

50-வது நிமிடத்தில் பிரேசில் அணிக்கு பெனால்டி வாய்ப்பு கிடைத்தது. இதனை பயன்படுத்தி நட்சத்திர வீரர் பிலிப் காட்டினோ அருமையாக முதல் கோலை அடித்தார். 53-வது நிமிடத்தில் சக வீரர் பிர்மினோ கோல் எல்லையை நோக்கி அடித்த பந்தை பிலிப் காட்டினோ தலையால் முட்டி கோலாக்கினார்.

85-வது நிமிடத்தில் பிரேசில் அணியின் மாற்று ஆட்டக்காரர் இவெர்டன் 3-வது கோலை அடித்தார். பொலிவியா அணியால் கடைசி வரை பதில் கோல் திருப்ப முடியவில்லை. முடிவில் பிரேசில் அணி 3-0 என்ற கோல் கணக்கில் பொலிவியாவை தோற்கடித்து வெற்றியுடன் போட்டியை தொடங்கியது.


தொடர்புடைய செய்திகள்

1. கோபா அமெரிக்கா கால்பந்து: அர்ஜென்டினா, சிலி அணிகள் அரைஇறுதிக்கு முன்னேற்றம்
கோபா அமெரிக்கா கால்பந்து போட்டியில் அர்ஜென்டினா, சிலி அணிகள் அரைஇறுதிக்கு முன்னேறின.
2. கோபா அமெரிக்கா கால்பந்து: பிரேசில் அணி அரைஇறுதிக்கு தகுதி
கோபா அமெரிக்கா கால்பந்து போட்டியில் பிரேசில் அணி பெனால்டி ஷூட்டில் 4-3 என்ற கோல் கணக்கில் பராகுவேயை வீழ்த்தி அரைஇறுதிக்கு முன்னேறியது.
3. கோபா அமெரிக்கா கால்பந்து: கால்இறுதியில் உருகுவே
கோபா அமெரிக்கா கால்பந்து போட்டியில் உருகுவே அணி 1-0 என்ற கோல் கணக்கில் சிலியை வீழ்த்தி கால்இறுதிக்கு முன்னேறியது.
4. கோபா அமெரிக்கா கால்பந்து: கால்இறுதிக்கு முன்னேறியது சிலி
கோபா அமெரிக்கா கால்பந்து போட்டியில் ஈகுவடாரை வீழ்த்தி சிலி அணி கால்இறுதிக்கு முன்னேறியது.
5. கோபா அமெரிக்கா கால்பந்து: உருகுவே அணி வெற்றி
கோபா அமெரிக்கா கால்பந்து போட்டியில் உருகுவே அணி 4-0 என்ற கோல் கணக்கில் ஈகுவடாரை எளிதில் தோற்கடித்தது.