கால்பந்து

பெண்கள் உலக கோப்பை கால்பந்து போட்டியில் ஐரோப்பிய அணிகள் ஆதிக்கம் + "||" + European teams dominate the women's World Cup

பெண்கள் உலக கோப்பை கால்பந்து போட்டியில் ஐரோப்பிய அணிகள் ஆதிக்கம்

பெண்கள் உலக கோப்பை கால்பந்து போட்டியில் ஐரோப்பிய அணிகள் ஆதிக்கம்
பெண்கள் உலக கோப்பை கால்பந்து போட்டியில் ஐரோப்பிய கண்டத்தை சேர்ந்த 7 அணிகள் கால் இறுதிக்கு முன்னேறியுள்ளன.
பாரீஸ்,

24 அணிகள் இடையிலான 8-வது பெண்கள் உலக கோப்பை கால்பந்து போட்டி பிரான்ஸ் நாட்டில் நடந்து வருகிறது. இதில் நேற்று முன்தினம் நடந்த 2-வது சுற்று ஆட்டம் ஒன்றில் (ரவுண்ட் 16) இத்தாலி-சீனா அணிகள் மோதின. விறுவிறுப்பான இந்த ஆட்டத்தில் 15-வது நிமிடத்தில் இத்தாலி வீராங்கனை வாலென்டினா ஜியாசின்டி கோல் அடித்தார். 49-வது நிமிடத்தில் இத்தாலி அணியின் மாற்று வீராங்கனை அரோரா கேலி கோல் போட்டார். சீனாவின் கட்டுப்பாட்டில் பந்து அதிக நேரம் வலம் வந்தாலும் அந்த அணியால் கடைசி வரை பதில் கோல் திருப்ப முடியவில்லை. முடிவில் இத்தாலி அணி 2-0 என்ற கோல் கணக்கில் சீனாவை வீழ்த்தி கால்இறுதிக்குள் நுழைந்தது.


மற்றொரு ஆட்டத்தில் நெதர்லாந்து-ஜப்பான் அணிகள் சந்தித்தன. 17-வது நிமிடத்தில் நெதர்லாந்து வீராங்கனை மார்டென்சும், 43-வது நிமிடத்தில் ஜப்பானின் ஹாஸ்கவாவும் கோல் அடித்தனர். இதனால் இரு அணிகளும் 1-1 என்ற கோல் கணக்கில் சமநிலை வகித்தன. ஆட்டம் டிராவில் முடியும் என்று எதிர்பார்த்த நிலையில் கடைசி நிமிடத்தில் நெதர்லாந்து அணிக்கு பெனால்டி வாய்ப்பு கிடைத்தது. அந்த வாய்ப்பை மார்டென்ஸ் கோலாக மாற்ற, நெதர்லாந்து அணி 2-1 என்ற கோல் கணக்கில் ஜப்பானை சாய்த்து கால்இறுதியை எட்டியது.

இந்த பெண்கள் உலக கோப்பை போட்டியில் ஐரோப்பிய கண்டத்தை சேர்ந்த ஜெர்மனி, இத்தாலி, பிரான்ஸ், நார்வே, இங்கிலாந்து, நெதர்லாந்து, சுவீடன் ஆகிய 7 அணிகள் கால்இறுதிக்கு முன்னேறி இருக்கின்றன.

பெண்கள் உலக கோப்பை தொடர் ஒன்றில் ஐரோப்பிய அணிகளின் ஆதிக்கம் அதிகமாக இருப்பது இதுவே முதல்முறையாகும். இதற்கு முன்பு 2015-ம் ஆண்டில் 3 ஐரோப்பிய அணிகள் கால்இறுதிக்கு தகுதி பெற்றதே சிறந்த செயல்பாடாக இருந்தது.


தொடர்புடைய செய்திகள்

1. பெண்கள் உலக கோப்பை கால்பந்து: அரைஇறுதியில் இங்கிலாந்து
பெண்கள் உலக கோப்பை கால்பந்து போட்டியின் அரைஇறுதிக்கு இங்கிலாந்து அணி தகுதிபெற்றது.
2. பெண்கள் உலக கோப்பை கால்பந்து: அமெரிக்க அணி கோல் மழை
பெண்கள் உலக கோப்பை கால்பந்து போட்டியில் அமெரிக்க அணி கோல் மழை பொழிந்தது.
3. கிங்ஸ் கோப்பை கால்பந்து போட்டியின் தொடக்க ஆட்டத்தில் இந்திய அணி தோல்வி - சுனில் சேத்ரி சாதனை
கிங்ஸ் கோப்பை கால்பந்து போட்டியின் தொடக்க ஆட்டத்தில் இந்திய அணி தோல்வியடைந்தது. இந்த போட்டியில் சுனில் சேத்ரி சாதனை ஒன்றை படைத்தார்.