தேசிய மினி கால்பந்து போட்டியில் தமிழக அணி சாம்பியன்

சென்னை,

தேசிய மினி கால்பந்து போட்டி (சப்-ஜூனியர்) மராட்டிய மாநிலம் புனேயில் 3 நாட்கள் நடந்தது. மினி கால்பந்து என்பது தலா 6 வீரர்கள் விளையாடும் போட்டியாகும். இதில் 12 வயதுக்குட்பட்டோருக்கான பிரிவில் 14 அணிகள் பங்கேற்றன. நேற்று நடந்த இதன் இறுதி ஆட்டத்தில் தமிழக அணி , மராட்டியத்தை எதிர்கொண்டது. விறுவிறுப்பான இந்த மோதலில் தமிழக அணி 2-0 என்ற கோல் கணக்கில் மராட்டியத்தை தோற்கடித்து கோப்பையை தட்டிச் சென்றது. தமிழக அணியில் இரண்டு கோல்களையும் இதயத்துல்லா அடித்தார். 14 வயதுக்குட்பட்டோருக்கான பிரிவில் 16 அணிகள் கலந்து கொண்டன. இதில் தமிழக அணி 3-வது இடத்தை பிடித்து வெண்கலப்பதக்கத்தை பெற்றது.

இந்த போட்டியில் சிறப்பாக செயல்பட்டதன் மூலம் ஸ்பெயினில் நடக்கும் மினி கால்பந்து போட்டிக்கான இந்திய அணியில் தமிழக வீரர்கள் 6 பேருக்கு வாய்ப்பு கிடைத்துள்ளது.