கால்பந்து

ஐ.எஸ்.எல். கால்பந்து: இறுதிப்போட்டியில் சென்னையின் எப்.சி. + "||" + ISL Football: Chennai FC play in final

ஐ.எஸ்.எல். கால்பந்து: இறுதிப்போட்டியில் சென்னையின் எப்.சி.

ஐ.எஸ்.எல். கால்பந்து: இறுதிப்போட்டியில் சென்னையின் எப்.சி.
ஐ.எஸ்.எல். கால்பந்து போட்டியில் சென்னையின் எப்.சி. அணி, கோவாவுக்கு எதிரான 2-வது அரைஇறுதியில் தோற்ற போதிலும் கோல் வித்தியாசம் அடிப்படையில் இறுதிப்போட்டிக்குள் நுழைந்தது.
கோவா,

6-வது இந்தியன் சூப்பர் லீக் (ஐ.எஸ்.எல்.) கால்பந்து தொடரில் சென்னையில் நடந்த எப்.சி. கோவாவுக்கு எதிரான அரைஇறுதியின் முதலாவது சுற்றில் சென்னையின் எப்.சி. அணி 4-1 என்ற கோல் கணக்கில் வெற்றி பெற்றிருந்தது. இந்த நிலையில் இவ்விரு அணிகளும் அரைஇறுதியின் 2-வது சுற்றில் கோவா நேரு ஸ்டேடியத்தில் நேற்றிரவு சந்தித்தன.


3 கோல் வித்தியாசத்தில் வெற்றி பெற்றால் மட்டுமே இறுதிப்போட்டிக்கு தகுதி பெற முடியும் என்ற நெருக்கடியுடன் களம் புகுந்த கோவா அணியின் வசமே பந்து கணிசமான நேரம் (58 சதவீதம்) சுற்றிக் கொண்டிருந்தது. 10-வது நிமிடத்தில் சென்னை வீரர் லூசியன் கோயனின் மூலம் கோவா சுயகோல் பெற்றது. தொடர்ந்து 21-வது நிமிடத்தில் மோர்டடா பால் கோல் போட்டு கோவாவுக்கு 2-0 என்ற கணக்கில் முன்னிலை பெற்றுத் தந்தார்.

பிற்பாதியில் சென்னையின் எப்.சி வீரர்கள் பதிலடி கொடுத்தனர். 52-வது நிமிடத்தில் சாங்தேவும், 59-வது நிமிடத்தில் தலையால் முட்டி வல்ஸ்கிசும் கோல் அடித்து அசத்தியதோடு 2-2 என்ற கணக்கில் சமனுக்கு கொண்டு வந்தனர். நடப்பு தொடரில் வல்ஸ்கிஸ் அடித்த 14-வது கோல் இதுவாகும்.

இதன் பின்னர் இறுதி கட்டத்தில் கோவா வீரர்கள் எடு பெடியா (81-வது நிமிடம்), மோர்டடா பால் (84-வது நிமிடம்) கோல் திருப்பி அச்சுறுத்திய போதிலும், சென்னை அணியினர் பாதிப்பு இல்லாமல் பார்த்துக் கொண்டனர். முடிவில் கோவா அணி 4-2 என்ற கோல் கணக்கில் சென்னையின் எப்.சி.யை வீழ்த்தியது. இதையடுத்து அரைஇறுதி சுற்றில் இரு அணிகளும் தலா ஒரு வெற்றி பெற்ற நிலையில் கோல் எண்ணிக்கை அடிப்படையில் முன்னிலை வகித்த சென்னையின் எப்.சி. (6-5 என்ற கோல் கணக்கில்) இறுதிப்போட்டி அதிர்ஷ்டத்தை தட்டிச் சென்றது. முன்னாள் சாம்பியனான சென்னை அணி இறுதிசுற்றை எட்டுவது இது 3-வது நிகழ்வாகும்.

நடப்பு சாம்பியன் பெங்களூரு எப்.சி.- அட்லெடிகோ டி கொல்கத்தா அணிகள் மோதும் மற்றொரு அரைஇறுதியின் 2-வது சுற்று இன்று இரவு 7.30 மணிக்கு நடக்கிறது.


தொடர்புடைய செய்திகள்

1. ஐ.எஸ்.எல். கால்பந்து: சென்னை-கேரளா அணிகள் இன்று மோதல்
இன்றைய ஐ.எஸ்.எல். கால்பந்து ஆட்டத்தில் சென்னை-கேரளா அணிகள் மோதுகின்றன.
2. ஐ.எஸ்.எல். கால்பந்து: சென்னை அணி வெற்றி
ஐ.எஸ்.எல். கால்பந்து போட்டியில் நேற்று நடந்த லீக் ஆட்டத்தில் சென்னை அணி 2-1 என்ற கோல் கணக்கில் ஜாம்ஷெட்பூரை வீழ்த்தி வெற்றியுடன் போட்டியை தொடங்கியது.
3. ஐஎஸ்எல் கால்பந்து: முதல் போட்டியில் கேரளா தோல்வி
ஐ.எஸ்.எல். கால்பந்து போட்டியின் தொடக்க ஆட்டத்தில் கொல்கத்தா அணி 1-0 என்ற கோல் கணக்கில் கேரளாவை வீழ்த்தி வெற்றியுடன் தொடங்கியது.
4. ஐ.பி.எல். கிரிக்கெட் இறுதிப்போட்டி: மும்பை இந்தியன்ஸ் அணிக்கு 157 ரன்கள் வெற்றி இலக்கு
ஐ.பி.எல். கிரிக்கெட் இறுதிப்போட்டியில் டெல்லி கேப்பிடல்ஸ் அணிக்கு எதிரான ஆட்டத்தில், மும்பை இந்தியன்ஸ் அணிக்கு 157 ரன்கள் வெற்றி இலக்காக நிர்ணயிக்கப்பட்டுள்ளது.
5. ஐ.எஸ்.எல். கால்பந்து: சென்னை அணியில் தஜிகிஸ்தான் வீரர் ஒப்பந்தம்
ஐ.எஸ்.எல். கால்பந்து போட்டிக்கான சென்னை அணியில் தஜிகிஸ்தான் வீரர் ஒப்பந்தம் செய்யப்பட்டுள்ளார்.