கால்பந்து

கொரோனா வைரசுக்கு ஸ்பெயின் கால்பந்து பயிற்சியாளர் பலி + "||" + Coronavirus: Spanish football coach Francisco Garcia passes away aged 21

கொரோனா வைரசுக்கு ஸ்பெயின் கால்பந்து பயிற்சியாளர் பலி

கொரோனா வைரசுக்கு ஸ்பெயின் கால்பந்து பயிற்சியாளர் பலி
கொரோனா வைரஸ் பாதிப்பால் ஸ்பெயினில் கால்பந்து பயிற்சியாளர் ஒருவர் உயிரிழந்தார்.
மாட்ரிட்,

கொரோனா வைரஸ் ஸ்பெயினில் வேகமாக பரவி வருகிறது. இதற்கு அந்த நாட்டை சேர்ந்த இளம் கால்பந்து பயிற்சியாளர் ஒருவர் பலியாகி இருப்பது பலரையும் அதிர்ச்சியில் ஆழ்த்தி இருக்கிறது. அங்குள்ள அட்லெடிகோ போர்டா அல்டா கிளப்பில் பயிற்சியாளராக இருந்த 21 வயதான பிரான்சிஸ்கோ கார்சியாவுக்கு சில தினங்களுக்கு முன்பு கொரோனா வைரஸ் பாதிப்பு ஏற்பட்டது. இதனை அடுத்து அங்குள்ள ஆஸ்பத்திரியில் சேர்க்கப்பட்ட அவர் சிகிச்சை பலனின்றி பரிதாபமாக இறந்தார். அவருக்கு ரத்த புற்றுநோய் இருந்த நிலையில் கொரோனாவும் தாக்கியதால் மரணம் அடைந்ததாக தகவல்கள் வெளியாகி இருக்கின்றன. இந்த வைரஸ் நோய்க்கு ஸ்பெயினில் பலியான இளம் வயதுக்காரர் பிரான்சிஸ்கோ கார்சியா ஆவார். அவரது மறைவுக்கு அட்லெடிகோ போர்டா அல்டா கிளப் இரங்கல் தெரிவித்துள்ளது.


இதற்கிடையில் ஸ்பெயினை சேர்ந்த வலென்சியா கிளப் அணியினர் சாம்பியன்ஸ் லீக் போட்டியில் விளையாடுவதற்காக இத்தாலியில் உள்ள மிலன் நகருக்கு சென்று விட்டு சொந்த நாட்டுக்கு திரும்பி இருக்கின்றனர். இந்த அணியில் இடம் பிடித்து இருந்த வீரர்கள் மற்றும் அதிகாரிகளில் 35 சதவீதம் பேருக்கு கொரோனா பாதிப்பு ஏற்பட்டு இருப்பதாக தெரியவந்துள்ளது. அவர்கள் தனிமைப்படுத்தப்பட்டு சிகிச்சை பெற்று வருகின்றனர்.


தொடர்புடைய செய்திகள்

1. கணவருக்கு ‘93’ மனைவிக்கு ‘88’ கொரோனா வைரசில் இருந்து மீண்ட வயதான கேரள தம்பதியர் - குணமடைந்தது எப்படி? ருசிகர தகவல்கள்
கேரள மாநிலத்தில் மிக வயதான தம்பதியர், கொரோனா வைரசில் இருந்து மீண்ட அதிசயம் நடந்து இருக்கிறது. இதையொட்டிய சுவாரசிய தகவல்கள் கிடைத்துள்ளன.
2. கொரோனா பரவுவது குறித்து முதலில் எச்சரித்த பெண் டாக்டர் மாயம்
கொரோனா வைரஸ் பரவுவதைப் பற்றி மற்ற மருத்துவர்களை முதன்முதலில் எச்சரித்த உகான் பெண் டாக்டர் பேசுவதற்காக அவர் தடுத்து வைக்கப்பட்டு இருந்தார். தற்போது அவர் மாயமாகி உள்ளார்.
3. 2-ஆம் உலகப் போருக்குப் பின்னர் மிகவும் சவாலான நெருக்கடியாக கொரோனா தொற்று உள்ளது: ஐ.நா தலைவர்
2-ஆம் உலகப் போருக்கு பின்னர் மிகவும் சவாலான நெருக்கடியாக கொரோனா தொற்று உள்ளது என்று ஐநா தலைவர் கூறினார்.
4. உலக அளவில் கொரோனா வைரசுக்கு பலி எண்ணிக்கை 42 ஆயிரத்தை தாண்டியது
உலக அளவில் கொரோனா வைரஸ் பாதிப்பால் உயிரிழந்தோர் எண்ணிக்கை 42 ஆயிரத்தை தாண்டியுள்ளது.
5. உணவின்றி தவிப்பவர்களுக்கு உதவும் பிரணிதா
கொரோனா வைரஸ் பரவலை தடுக்க நடக்கும் ஊரடங்கால் மக்களின் அன்றாட வாழ்க்கை பாதிக்கப்பட்டுள்ளது.