கால்பந்து

கால்பந்து உலகின் முதல் பணக்காரர் என்ற பெருமையை பெற்ற ரொனால்டோ + "||" + Cristiano Ronaldo: Football’s first billion dollar man

கால்பந்து உலகின் முதல் பணக்காரர் என்ற பெருமையை பெற்ற ரொனால்டோ

கால்பந்து உலகின் முதல் பணக்காரர் என்ற பெருமையை பெற்ற ரொனால்டோ
கால்பந்து உலகின் முதல் பணக்காரர் என்ற பெருமையை யுவான்டஸ் ஸ்ட்ரைக்கரும் போர்ச்சுகல் அணியின் கேப்டனுமான ரொனால்டோ பெற்றுள்ளார்.
லிஸ்பன்

பிரபல கால்பந்து வீரர் ரொனால்டோ மான்செஸ்டர் யுனெடெட், ரியல்மாட்ரிட் அணிகளுக்காக விளையாடியுள்ளார். இரு ஆண்டுகளுக்கு முன் , இத்தாலியின் யுவென்டஸ் அணியில் தன்னை இணைத்துக் கொண்டார். தற்போது, கொரோனா வைரஸ் காரணமாக இத்தாலியின் சீரி ஏ கால்பந்து தொடர் ரத்து செய்யப்பட்டுள்ளது. இதனால், போர்ச்சுகல்லில் உள்ள தன் வீட்டில் ஓய்வில் இருக்கிறார் ரொனால்டோ.

இதற்கிடையே,  கடந்த ஆண்டு விளையாட்டு உலகில் அதிகம் சம்பாதித்த வீரர்கள் பட்டியலை போர்ப்ஸ் பத்திரிகை வெளியிட்டுள்ளது. அதில், ரொனால்டோ கோடீசுவரர் ஆகியுள்ளார் என்று போர்ப்ஸ் தெரிவித்துள்ளது. கடந்த ஆண்டு யுவென்டஸ் அணிக்காக விளையாடிய வகையில் ரொனால்டோவுக்கு 105 மில்லியன் அமெரிக்க டாலர்கள் சம்பளமாக வழங்கப்பட்டது. இதன் மூலம் கால்பந்து விளையாட்டில் 1 பில்லியன் (ரூ. 7,000 கோடி) அமெரிக்க டாலர்களை சம்பாதித்த முதல் வீரர் ரொனால்டோ என்ற பெருமையை பெற்றுள்ளதாக போர்ப்ஸ் கூறியுள்ளது. 

விளையாட்டு உலகில் ரொனால்டோவுக்கு முன்னதாக, கோல்ப் வீரர் டைகர் உட்ஸ் மற்றும் குத்துச்சண்டை வீரர் பிளாயிட் மேவெதர் ஆகியோர் மட்டுமே 1 பில்லியன் அமெரிக்க  டாலர்களுக்கு மேல் சம்பாதித்துள்ளனர். தன் 17 ஆண்டு கால கால்பந்து வாழ்க்கையில் 650 மில்லியன் அமெரிக்க  டாலர்களை சம்பளமாக பெற்றதாகவும் மற்றவை விளம்பர ஒப்பந்தங்கள் மூலம் கிடைத்துள்ளதாக ரொனால்டோ தெரிவித்துள்ளார்.

பிரபல நைக் நிறுவனம் ரொனால்டோவை வாழ்நாளுக்கும் விளம்பர தூதராக ஒப்பந்தம் செய்துள்ளது. இன்ஸ்டாகிராம் வழியாக உலகிலேயே அதிகம் பணம் சம்பாதிக்கும் விளையாட்டு வீரரும் ரொனால்டோதான். இன்ஸ்டாகிராமில் இவரை 22.2 கோடி பேர் பின்தொடர்கின்றனர். இன்ஸ்டாகிராமில் ரொனால்டோ வெளியிடும்  ஸ்பான்ஸர் பதிவு ஒன்றுக்கு ரூ. 4. 44 கோடி வருமானமாக கிடைக்கும்.



தொடர்புடைய செய்திகள்

1. ஐ.எஸ்.எல். கால்பந்து: சென்னை-ஜாம்ஷெட்பூர் அணிகள் இன்று மோதல்
ஐ.எஸ்.எல். கால்பந்து போட்டியில் இன்று இரவு நடைபெறும் லீக் ஆட்டத்தில் சென்னை- ஜாம்ஷெட்பூர் அணிகள் மோதுகின்றன.
2. 11 அணிகள் பங்கேற்கும் ஐ.எஸ்.எல். கால்பந்து போட்டி இன்று தொடக்கம் முதலாவது ஆட்டத்தில் கொல்கத்தா-கேரளா மோதல்
11 அணிகள் பங்கேற்கும் ஐ.எஸ்.எல். கால்பந்து போட்டி கோவாவில் இன்று தொடங்குகிறது. முதல் ஆட்டத்தில் கொல்கத்தாவை சேர்ந்த ஏ.டி.கே.மோகன் பகான்- கேரளா பிளாஸ்டர்ஸ் அணிகள் மோதுகின்றன.
3. உலக கோப்பை கால்பந்து தகுதிசுற்று: பிரேசில் அணி ‘ஹாட்ரிக்’ வெற்றி
உலக கோப்பை கால்பந்து தகுதி சுற்றில் பிரேசில் அணி 1-0 என்ற கோல் கணக்கில் வெனிசுலாவை வீழ்த்தி ‘ஹாட்ரிக்’ வெற்றியை ருசித்தது.
4. காயல்பட்டினத்தில் கால்பந்து போட்டியில் வெற்றி பெற்ற அணிகளுக்கு பரிசு கனிமொழி எம்.பி. வழங்கினார்
காயல்பட்டினத்தில் கால்பந்து போட்டியில் வெற்றி பெற்ற அணிகளுக்கு பரிசுகளை கனிமொழி எம்.பி. வழங்கினார்.
5. கால்பந்தாட்ட வீரர் ரொனால்டோ வாங்கிய ரூ.75 கோடி மதிப்புள்ள உலகின் விலை உயர்ந்த கார்
பிரபல கால்பந்தாட்ட வீரர் கிறிஸ்டியானோ ரொனால்டோ உலகிலேயே மிகவும் அரிதானதும், விலை உயர்ந்த புகாட்டி லா காரை வாங்கி உள்ளார்.