லா லிகா கால்பந்து பார்சிலோனா அணி மீண்டும் முன்னிலை


லா லிகா கால்பந்து பார்சிலோனா அணி மீண்டும் முன்னிலை
x
தினத்தந்தி 24 Jun 2020 10:31 PM GMT (Updated: 24 Jun 2020 10:31 PM GMT)

லா லிகா கால்பந்து தொடரில் பார்சிலோனா அணி மீண்டும் முன்னிலை பெற்றது.


பார்சிலோனா, 

லா லிகா கால்பந்து போட்டி தொடர் ஸ்பெயினில் நடந்து வருகிறது. இதில் பார்சிலோனாவில் நடந்த லீக் ஆட்டம் ஒன்றில் நடப்பு சாம்பியனான பார்சிலோனா கிளப் அணி 1-0 என்ற கோல் கணக்கில் அத்லெட்டிக் கிளப்பை வீழ்த்தியது. 71-வது நிமிடத்தில் பார்சிலோனா கேப்டன் லயோனல் மெஸ்சி கடத்தி கொடுத்த பந்தை மாற்று ஆட்டக்காரர் இவான் ராகிடிச் கோலாக்கினார். நேற்று தனது 33-வது பிறந்த நாளை கொண்டாடிய மெஸ்சிக்கு இந்த வெற்றி பிறந்தநாள் பரிசாக அமைந்தது.

31-வது ஆட்டத்தில் ஆடிய பார்சிலோனா 21 வெற்றி, 5 டிரா, 5 தோல்வியுடன் 68 புள்ளிகள் பெற்று புள்ளிபட்டியலில் மீண்டும் முதலிடத்துக்கு முன்னேறியது. முன்னாள் சாம்பியனான ரியல் மாட்ரிட் அணி 30 ஆட்டத்தில் விளையாடி 19 வெற்றி, 8 டிரா, 3 தோல்வியுடன் 65 புள்ளிகள் பெற்று 2-வது இடத்துக்கு இறங்கியது.

Next Story